ڕفعەت عەبدوڵڵا: یەکێتی پارێزەری ژینگەیە و پشتیوانی رێکخراوەکانی ئەو بوارەیە

نوسینگەی راگەیاندنی جێگری سەرۆکی (ی.ن.ک)

وێنەیکى کۆبوونەوەکە

ڕفعەت عەبدوڵڵا، جێگری سەرۆکی یەکێتیی نیشتمانیی کوردستان، لەگەڵ کۆمەڵەی کوردستانێکی سەوز کۆبوەوە و رایگەیاند، چالاکیەکانتان کاریگەری گەورەی هەیە لەسەر هۆشیارکردنەوەی هاوڵاتیان و هیوای خواست وەک هەمیشە بەشدارییەکی کاراتر و فراوانتر بکەن، سەبارەت بە هۆشیاری ژینگەیی، بەتایبەتی لەناوەندەکانی خوێندندا، لەوبارەیەوە وتی:" ژینگە موڵکی هەموانە و دەبێت هەموومان پارێزگاری لێ بکەین".

هاوکات پاڵپشتی و پشتیوانی یەکێتی لە پاراستنی ژینگە و کۆمەڵەکەیان وەک رابردوو دووبارەکردەوە.

هەمان رۆژ، جێگری سەرۆکی یەکێتیی نیشتمانیی کوردستان، پێشوازی کرد لەکۆمەڵەی ئۆتیزمی کوردستان و ستایشی هەوڵ و چالاکیەکانیانی کرد، کەبەردەوامن لەپەرەپێدان بەتوانا و بەهرەی توشبوانی ئۆتیزم.

لەکۆبونەوەکەدا کە فەهمی بورهان، سەرۆکی دەستەی گشتی ناوچە کوردستانییەکانی دەرەوەی ئیدارەی هەرێمی کوردستان ئامادەی بوو، ڕفعەت عەبدوڵڵا، پشتیوانی و پاڵپشتی یەکێتی بۆ کۆمەڵەکەیان دووپاتکردەوە و هەوڵ  و کاری کۆمەڵەکەی بەمرۆڤانە و پیرۆز وەسفکرد و رایگەیاند، پێویستە حکومەت و لایەنی پەیوەندیدار هاوکار و پشتیوانێکی گەورەتان بێت.

PUKMEDIA