خاتوو شاناز: هونەرو موزیك رێگای گونجاون بۆ ناساندنی خەباتی كورد لەڕۆژئاوا

راگەیاندنی شاناز ئیبراهیم ئەحمەد خانمی یەكەمی عیراق

پێشوازی خانمی یەكەمی عیراق لە وەفدێكی گروپی هونەرگەها وڵات

شاناز ئیبراهیم ئەحمەد خانمی یەكەمی عیراق لە سلێمانی چاوی بەوەفدێكی گروپی هونەرگەها وڵات بەسەرۆكایەتی مەحمود بەرازی و شێرۆ هندی و دەلیل میرساز كەوت و تاوتوێی ئاستی بەرەوپێشچونی بواری هونەری لە رۆژئاوای كوردستان كرا، لەمبارەیەوە كار و بەرهەمەكانی گروپەكە بەرزنرخێنرا بۆ گەیاندنی دەنگ و رەنگ و سەركەوتن و ئازارەكانی گەلی كورد بەگەلانی دنیا. 

خاتوو شاناز رایگەیاند: گونجاوترین رێگا بۆ ناساندنی خەبات و شۆڕشی ئازادیخوازی گەلی كورد لە رۆژئاوا كەڵك وەرگرتنە لەهونەر و موزیك و فۆلكلۆری كوردی لەگەڵ لەخۆگرتنی ناوەڕۆكی نیشتمانپەروەری و بەرگریكارانە وایكردووە كەشۆڕش لەجیهان دەنگ بداتەوە.

هەروەك پێشوازی لەدەستپێشخەرییەكەی گروپی هونەرگەها وڵات كرا بۆ پەرەپێدانی كاری هونەریی تا سلێمانی پارێزگاری لەو پێگەیەی بكات و هەردەم نمونەی كاری هاوبەش و پێشەنگ بێت بۆ كوردان.

PUKMEDIA