ئه‌نجومه‌نی وه‌زیران بۆ هه‌نارده‌ی نه‌وت و داهاته‌ نانه‌وتییه‌كان كۆده‌بێته‌وه‌

راگەیاندنی ئەنجومەنی وەزیرانی هەرێم

ئەنجومەنی وەزیرانی هەرێم

ئه‌مڕ‌ۆ چوارشه‌ممه‌، 24ی ئه‌یلوولی 2025، ئه‌نجومه‌نی وه‌زیرانی هه‌رێمی كوردستان كۆده‌بێته‌وه‌و له‌كۆبوونه‌وه‌كه‌دا ده‌ستپێكردنه‌وه‌ی هه‌نارده‌ی نه‌وتی هه‌رێمی كوردستان و دۆسیه‌ی پۆلێنكردنی داهاته‌ نانه‌وتییه‌كان تاوتوێده‌كرێت.

به‌پێی راگه‌یه‌نراوێكی ئه‌نجومه‌نی وه‌زیرانی هه‌رێمی كوردستان، له‌كۆبوونه‌وه‌كه‌دا بابه‌تی ڕ‌ێككه‌وتننامه‌ی سێ لایه‌نه‌ی نێوان حكومه‌تی فیدراڵی و حكومه‌تی هه‌رێمی كوردستان و كۆمپانیا نه‌وتییه‌كان، تایبه‌ت به‌ ده‌ستپێكردنه‌وه‌ی هه‌نارده‌ی نه‌وتی هه‌رێمی كوردستان، له‌به‌ر ڕ‌ۆشنایی یاسای بودجه‌ی گشتیی فیدراڵیی هه‌مواركراو و بڕ‌یاری ئه‌نجومه‌نی وه‌زیرانی هه‌ردوولا ده‌خرێته‌ڕ‌وو.

هه‌روه‌ها له‌ بڕ‌گه‌یه‌كی دیكه‌دا، دواپێشهاتی دۆسیه‌ی پۆلێنكردنی داهاته‌ نانه‌وتییه‌كان و ده‌ستنیشانكردنی به‌شی گه‌نجینه‌ی فیدراڵی ده‌خرێته‌ڕ‌وو.

PUKMEDIA