ڕفعەت عەبدوڵڵا: نوێنەرانی یەکێتی شەڕی مافە دەستورییەکان بکەن

نوسینگەی رۆژنامەوانی ڕفعەت عەبدوڵڵا

ڕفعەت عەبدوڵا

ڕفعەت عەبدوڵڵا، جێگری سەرۆکی یەکێتیی نیشتمانیی کوردستان، لەگەڵ کاندیدانی بازنەی سلێمانی، بۆ هەڵبژاردنی پەرلەمانی عیراق کۆبوەوەو ڕایگەیاند؛ لەم وێستگە دیموکراسیەدا نوێنەرەکانی یەکێتی، لێیان چاوەڕوان دەکرێت ئەدایەکی باش و چالاکیان هەبێت بۆ قۆناغێکی نوێی ئەرکەکان لەناو پڕۆسەی سیاسی عیراقدا. 

جێگری سەرۆک جەختی کردەوە، پێویستە نوێنەرەکانی یەکێتی، شەڕ بۆ مافە نەتەوەیی و دەستورییەکانی کوردستان بکەن و بەرژەوەندی حزبی و کەسی وەلابنێن، لەوبارەیەوە وتی:"پێش ئەوەی نوێنەری یەکێتی بن، نوێنەری ڕاستەقینەی خەڵکی کوردستان بن".

ڕفعەت عەبدوڵڵا، کاندیدەکانی ڕاسپارد، لەقۆناغی بانگەشەدا بەڵێنی واقیعی و دروست بەدەنگدەران بدەن و داکۆکیکردن لەمافە نەتەوەییەکانی کوردستان و داخوازییە ڕەواو دەستورییەکان بەرنامەیان بێت.
 
PUKMEDIA