وادەی کۆتاییهاتنی شەپۆلی خۆڵبارین راگەیەندرا

PUKMEDIA

خۆڵبارین

شارەزایەکی کەشناسی هەرێم وادەی کۆتاییهاتنی خۆڵبارین و پێشبینی خۆی بۆ پلەکانی گەرمای چەند رۆژی داهاتوو راگەیاند.

ئەمڕۆ شەممە 20ی ئەیلول، سیروان ساڵح، شارەزای کەشناسی بە ماڵپەڕی PUKMEDIAی راگەیاند: دوای نیوەڕۆی ئەمڕۆ کاریگەرییەکانی خۆڵبارین لە تەواوی ناوچەکانی هەرێم لاواز دەبێت و کۆتایی بەو شەپۆلەکە دێت، هەروەها لەگەڵ نەمانی شەپۆلەکەدا پلەکانی گەرما بەشێوەیەکی بەرچاو دادەبەزن، بەتایبەت لە شەواندا هەست بە سەرما دەکرێت و کۆتایی بە گەرما دێت.

لە لێدوانە تایبەتەکەیدا بۆ PUKMEDIA ئاماژەی بەوەشکرد: تا ئێستا هیچ ئاماژەیەکی هاتنی شەپۆلی باران بارین بۆ هەرێمی کوردستان تا دوو هەفتەی دیکە لەئارادانییە، جگە لە ناوچە شاخاوییە دوورەکانی سنووری هەرێم کە پیشبینی دابارینێکی کەم دەکرێت.

ئەمەش لەدوای ئەوەدێت، لە بەیانی رۆژی هەینی 19ی ئەیلولی 2025ەوە شەپۆلێکی خۆڵبارینی چڕ عیراق و تەواوی ناوچەکانی هەرێمی گرتووەتەوە و بەپێی زانیارییەکانی PUKMEDIA تەنها لە پارێزگای سلێمانی بەهۆی کاریگەرییەکانی ئەو شەپۆلەوە 44 کەس بەمەبەستی چارەسەر سەردانی نەخۆشخانەیان کردووە.

PUKMEDIA