رێزلێنان ده‌به‌خشرێته‌ بۆردی راگه‌یاندن

تایبەت

بەخشینی رێزلێنان بە بۆردی راگەیاندن

لیژنه‌ی باڵای كۆنفرانسی سلێمانی هاوپه‌یمانیه‌تی سۆسیال دیموكرات له‌ جیهانی عه‌ره‌بی، رێزلێنان و سوپاسنامه‌ی بۆردی په‌یوه‌ندییه‌كانی یه‌كێتی و هاوپه‌یمانیه‌تیه‌كه‌ به‌ بۆردی راگه‌یاندن ده‌به‌خشێت، له‌پای ئه‌و روماڵه‌ سه‌نگینه‌ی له‌ماوه‌ی چوار رۆژدا بۆ سه‌رخستنی كۆنفرانسه‌كه‌ كردویانه‌.

ئه‌م رێزلێنانه‌، پاش سه‌ردانی دارا خه‌یلانی لێپرسراوی بۆردی په‌یوه‌ندییه‌ عه‌ره‌بییه‌كان هات بۆ لای له‌تیف نێروه‌یی لێپرسراوی بۆردی راگه‌یاندن، كه‌ ئێواره‌ی ئه‌مڕ‌ۆ به‌ یاوه‌ری وه‌فدێك سه‌ردانی بۆردی راگه‌یاندنی یه‌كێتیی نیشتمانیی كوردستانیان كرد و وێڕ‌ای ده‌ستخۆشی، سوپاسی سه‌رجه‌م كه‌ناڵه‌كانی راگه‌یاندنی یه‌كێتی-یان كرد كه‌ له‌ رۆژانی كۆنفرانسی هاوپەیمانیەتی سۆسیال دیموکرات لە جیهانی عەرەبی کە لە سلێمانی بەڕێوەچوو، به‌ روماڵ و گۆڤار و رۆژنامه‌ی تایبه‌ت به‌شدارییه‌كی كارایان له‌ سه‌رخستنی كاره‌كانی كۆنفرانسه‌كه‌دا كردووه‌.

له‌و دیدارەدا کە ژمارەیەک ئەندامی مەکتەب و بۆردی راگەیاندن ئامادیبوون، له‌تیف نێروه‌یی سوپاسی وه‌فدی میوانی كردو رایگه‌یاند: وه‌ك هه‌میشه‌ راگه‌یاندنی یه‌كێتیی نیشتمانیی كوردستان بۆ سه‌رخستن و له‌ ئه‌ستۆگرتنی ئه‌ركی یه‌كێتی-یانه‌ بێ ماندوبوون ئاماده‌یه‌و له‌هه‌موو قۆناغ و وێستگه‌كان به‌وپه‌ڕ‌ی به‌رپرسیاریه‌تیه‌وه‌ مامه‌ڵه‌ ده‌كات.

PUKMEDIA