لەسەر راسپاردەی قوباد تاڵەبانی کێشەی نەشتەرگەری و دەرمان و کەرەستەی پزیشکی چارەسەرکرا

نوسینگەی رۆژنامەوانی قوباد تاڵەبانی

قوباد تاڵەبانی جێگری سەرۆکی ئەنجومەنی وەزیرانى حکومەتى هەرێمى کوردستان

بەڕێوەبەرایەتی گشتی تەندروستی سلێمانی لە راگەیەنراوێکدا رایگەیاند: لەسەر راسپاردەی  قوباد تاڵەبانی جێگری سەرۆکی ئەنجومەنی وەزیران و ئاوات شێخ جەناب وەزیری دارایی هەرێم کێشەی نەشتەرگەری و دەرمان و نەبوونی کەرەستەی پزیشکی  چارەسەرکرا. 

لە راگەیەنراوەکەدا ئەوەش هاتووە: ئێوارەی ئەمڕۆ شەممە 13ی ئەیلولی 2025 لە کۆبوونەوەیەکدا بە ئامادەبوونی هەریەکە لە شاهۆ عوسمان، جێگری پارێزگاری سلێمانی و د. سەباح نەسرەدین، بەڕێوەبەری تەندروستی سلێمانی و د. ماکوان، بەڕێوەبەری لقی سلێمانی بانکی هەرێم کێشەی نەشتەرگەری و دەرمان و نەبوونی کەرەستەی پزیشکی تا کۆتایی ساڵی 2025 چارەسەرکرا.

 ئاماژە بەوەشدراوە: لەسەر راسپاردەی  قوباد تاڵەبانی جێگری سەرۆکی ئەنجومەنی وەزیران و ئاوات شێخ جەناب وەزیری دارایی هەرێم کێشەی نەشتەرگەری و دەرمان و نەبوونی کەرەستەی پزیشکی  لە سلێمانی تا کۆتایی ئەمساڵ چارەسەرکرا.

PUKMEDIA