بوومه‌له‌رزه‌یه‌كی به‌هێز روسیای هه‌ژاند

سپوتنیک

دیمەنێکی رووداوەکە

به‌ره‌به‌یانی ئه‌مڕ‌ۆ بوومه‌له‌رزه‌یه‌كی به‌هێز كه‌ناراوه‌كانی رۆژهه‌ڵاتی روسیای هه‌ژاند و هۆشداری له‌باره‌ی ئه‌گه‌ری درووستبوونی شه‌پۆلێكی گه‌وره‌ی تسۆنامیش له‌ناوچه‌كه‌ ده‌درێت و تائێستا زیانه‌كانی رانه‌گه‌یه‌نراوه‌.

ئه‌مڕ‌ۆ شه‌ممه‌ 13ی ئه‌یلولی 2025 ئاژانسی رۆیته‌رز بڵاویكردووه‌ته‌وه‌: به‌ره‌به‌یانی ئه‌مڕ‌ۆ بوومه‌له‌رزه‌یه‌كی به‌هێز به‌گوڕ‌ی 7.4 پله‌ی رێكخته‌ر به‌ دووری 111 كیلۆمه‌تر له‌ كه‌ناراوه‌كانی كامچاتكا روویداوه‌ كه‌ ده‌كه‌وێته‌ رۆژهه‌ڵاتی روسیاوه‌ و قوڵاییه‌كی 39.5 كیلۆمه‌تر بووه‌ كه‌ رێژه‌یه‌كی به‌رزه‌ بۆ بوومه‌له‌رزه‌ و كاره‌سات ده‌خوڵقێنێت.

هاوكات ناوه‌ندی هۆشداری تسۆنامی له‌ زه‌ریای ئه‌تڵه‌سی رایگه‌یاندووه‌: به‌هۆی به‌رزی گوڕ‌ی بوومه‌له‌رزه‌كه‌وه‌ پێشبینی دروستبوونی شه‌پۆلێكی به‌هێزی تسۆنامی ده‌كرێت به‌تایبه‌ت له‌و كه‌ناراوانه‌ی كه‌ نزیكن له‌ ناوه‌ندی روودانی بوومه‌له‌رزه‌كه‌وه‌.

ئه‌مه‌ش له‌دوای ئه‌وه‌دێت به‌ره‌به‌یانی 30ی ته‌مموزی ئه‌مساڵیش به‌هه‌مان شێوه‌ بوومه‌له‌رزه‌یه‌كی دیكه‌ی به‌هێز به‌گوڕ‌ی 8.8 پله‌ی رێكخته‌ر له‌ كه‌ناراوه‌كانی كامچاتكا روویدا.

PUKMEDIA