راکان جبوری بەتەواوەتی لەخۆکاندیدکردن دوورخرایەوە

واع

راکان جبوری سەرۆکی هاوپەیمانی عەرەبی لە کەرکوک

دەستەی دادوەریی هەڵبژاردن، تانەیەکی راکان سەعید جبوری، دژی بڕیارى دوورخستنەوەی لە کاندید بوون رەتکردەوە و هۆکارەکەشی بۆ سزادانی لە دۆسییەی گەندەڵیدا دەگێڕێتەوە.

بەپێی  بڕیارێکی دەستەی دادوەریی هەڵبژاردنەکان کە ئەمڕۆ 9ی9ی2025 دەرچووە :دادگا لەسەر تانەیەکی پێشکەشکراو لەلایەن راکان سەعید جبوری، سەرۆکی هاوپەیمانی عەرەبی لە کەرکوک کۆبووەتەوە.

جبوری لە تانەکەیدا داوای هەڵوەشاندنەوەی بڕیارێکی ئەنجوومەنی کۆمیسیارانی کۆمیسیۆنی هەڵبژاردنەکانی کردبووە، لە رۆژی 24ی8ی2025، دەرچووە سەبارەت بە دوورخستنەوەی لە هەڵبژاردن، بەڵام ئەنجومەنەکە داواکارییەکەی بەتەواوی رەتکردوەتەوە بەپێی  ماددەی 340 لەیاسای سزادانی عیراقی،کە پەیوەندیدارە بە تاوانی گەندەڵی و کۆکردنەوەی سامان بە شێوەی نایاسایی و گەندەڵی دارایی.

ئەمەش لە کاتێکدایە، بڕیارە رۆژی 11ی11ی2025، هەڵبژاردنی ئەنجومەنی نوێنەرانی عیراق بەڕێوەبچێت و تاوەکو ئێستا نزیکەی 800 کاندیدی دوورخستووەتەوە.

PUKMEDIA