سودانی وتارێک لەبەردەم ناتۆ پێشکەش دەکات

نوسینگەی رۆژنامەوانی سەرۆکوەزیرانی عیراق

محەمەد شیاع سودانی سەرۆک وەزیرانی عیراق

سەرۆک وەزیرانی عیراق بەبانگهێشتێکی رەسمیی رووی لە پایتەختی بەلجیکا کرد، بڕیارە لەبەردەم ناتۆ وتارێك پێشکەش بکات.

ئەمڕۆ دووشەممە 8ی ئەیلولی 2025، نوسینگەی رەسمیی سەرۆک وەزیرانی عیراق بڵاویکردووەتەوە: بەرەبەیانی ئەمڕۆ محەمەد شیاع سودانی لەسەر بانگهێشتی رەسمی مارک روتە سکرتێری گشتی ناتۆ رووی لە بڕۆکسلی پایتەختی بەلجیکا کرد و لەبەردەم ئەنجومەنی هاوپەیمانێتی باکوری ئەتڵەسی (ناتۆ) وتارێک پێشکەش دەکات.

هاوپەیمانێتی باکوری ئەتڵەسی (ناتۆ) هاوپەیمانێتییەکی سەربازییە کە لەساڵی 1949 لەنێوان چەند وڵاتێکدا بەستراوە و بارەگای سەرەکی لە بڕۆکسلی پایتەختی بەلجیکایە و تا ئێستا 32 وڵاتی جیهانی تێیدا ئەندامن، لەئەگەری هەبوونی مەترسی بۆ سەر هەریەکێک لەو وڵاتانەش هاوپەیمانێتییەکە هاوکاری سەربازی پێشکەش دەکەن.

PUKMEDIA