له‌ 50 ساڵی رابردوودا بۆ یه‌كه‌مجار زێڕ نرخێكی پێوانه‌یی تۆمار كرد

Linkedln

زێڕ

له‌ماوەى 50 ساڵی رابردوودا، بۆیه‌كه‌مجار نرخی زێڕ له‌بازاڕه‌كانی هه‌رێمی كوردستان و عیراق به‌رزبوونه‌وه‌ی زۆری به‌خۆیه‌وه‌ بینی و نرخی یه‌ك مسقاڵ گه‌یشته‌ زیاتر له‌ 700 هه‌زار دینار.

بۆ ئه‌مڕۆ 6ی9ی2025 نرخی یه‌ك مسقاڵ زێڕی عه‌یاره‌ 18 به‌ 615 هه‌زار دینارو یه‌ك مسقاڵ زێڕی عه‌یاره‌ 21 به‌ 717 هه‌زار دینار و یه‌ك مسقاڵ زێڕی عه‌یاره‌ 22 به‌ هه‌زار دینار و یه‌ك مسقاڵ زێڕی عه‌یاره‌ 24 به‌ 819 هه‌زار دینار بوو، كه‌ به‌راوورد به‌هه‌فته‌ی رابردووش نرخه‌كه‌ی به‌رزبوونه‌وه‌ی به‌خۆیه‌وه‌ بینوه‌.

هەر لەو بارەیەوە ئازاد عومەر خاوەنى زەڕنگەرى داوێز بە PUKMEDIA  وت : لەماوەى چەندەها ساڵى رابردوودا لە ئێستادا بۆ یەکەمجارە نرخى زێڕ لە بازاڕەکانى هەرێمى کوردستان و عیراق بەوشێوەیە بەرزبوەتەوە، ئەمەش دەگەڕێتەوە بۆ جەنگە نێودەوڵەتییەکان، بە تایبەت جەنگى رووسیا و ئۆکرانیا هاوکات کۆبوونەوەى چەند رۆژى رابردووى چین و رووسیا و کۆریا و هندستانیش کاریگەرى لەسەر نرخەکە دروستکردووە.

راشیگەیاند: بەهۆى  بەرزبوونەوەى نرخەکەشى لە ئێستادا خواست لەسەر زێڕ لە بازاڕەکاندا کەمى کردووە و بازاڕى ناوخۆیى زێڕ زۆر لاوازە،  هەروەها ئەو قەیرانە داراییەى هەرێمى کوردستانى گرتوەتەوە جارێکى دیکە خواستى لەسەر زێڕ کەم کردووەتەوە.

بازاڕەکانی زێڕ لە جیهاندا شایەتی بەرزبوونەوەیەکی خێرای نرخى زێڕن، کە بووەتە جێگەی پرسیاری زۆر لەسەر داهاتووی ئابووری جیهان و هۆکارەکانی پشت ئەم گۆڕانکارییە گەورانە بەردەوام گفتوگۆى لەسەر دەکرێت و گرژى نێوان وڵاتان و شەڕ و ململانێکان و قەیرانەکان بەردەوام کاریگەریان لەسەر بەرزبوونەوەى نرخەکان هەبووە.

PUKMEDIA