نرخی نەوت بەردەوامە لەدابەزین

PUKMEDIA

نرخی نەوت

ئەمڕۆ هەینی 5ی ئەیلولی 2025، نرخی نەوت بۆ سێیەم جار لەسەریەک بەردەوامە لەدابەزین.

بەجۆرێک، نرخی نەوتی خاوی برێنت بە 66.89 دۆلار بۆ هەر بەرمیلێک و نرخی نەوتی خاوی تەکساسی ئەمریکا بە 63.35 دۆلار مامەلەی پێوەدەکرێت.

هاوکات ئاژانسی هەواڵی رۆیتەرز ئاماژەی بەوەکردووە، بڕیارە هەشت ئەندامی رێکخراوی وڵاتانی هەناردەکاری نەوت و ئۆپێک، رۆژی یەکشەممەی داهاتوو لە کۆبوونەوەیەکدا تاوتوێی زیادکردنی زیاتری بەرهەمهێنان بکەن.

هەروەها شیکارانی کۆمپانیای بی ئێم ئای-ش پێیان وایە، هەنگاوێکی لەو شێوەیە دەبێتە هۆی کەمکردنەوەی توانای پاڵاوگەکان و کەمکردنەوەی خواست لەسەر نەوتی خاو.

ئەمەش لەکاتێکدایە، دوێنێ بەرپرسێکی کۆشکی سپی رایگەیاند: دۆناڵد ترەمپ سەرۆکی ئەمریکا داوای لە سەرکردەکانی ئەوروپا کردووە کڕینی نەوتی رووسیا رابگرن.

PUKMEDIA