رووفاتی 22 شەهیدی شەنگال گەڕێندرانەوە زێدی خۆیان

PUKMEDIA

نادیە موراد ماڵئاوایی لە تەرمی دوو براکەی دەکات

ئه‌مڕ‌ۆ 13ی8ی2025، له‌ مه‌راسیمێكدا به‌ ئاماده‌بوونی نادیه‌ موراد باڵیۆزی نیازپاكیی نه‌ته‌وه‌ یه‌كگرتووه‌كان و براوه‌ی خه‌ڵاتی نۆبڵی ئاشتی، رووفاتی 22 شه‌هیدی شه‌نگال گه‌ڕ‌ێندرانه‌وه‌ زیدی خۆیان، كه‌ دووان له‌ شه‌هیده‌كان برای نادیه‌ مورادن.

نه‌وزاد شه‌نگالی جێگری لێپرسراوی مه‌ڵبه‌ندی شه‌نگالی یه‌كێتی به‌ وێبسایتی ره‌سمیی یه‌كێتیی نیشتمانیی كوردستان PUKMEDIA ی راگه‌یاند:" ئه‌مڕ‌ۆ 22 رووفات كه‌ رۆژی 15ی8ی2014 له‌ناو خوێندنگه‌یه‌كی كۆجۆدا شه‌هیدكران، دوای ئاشكرابوونی ناسنامه‌كانیان و پشكنینی DNA له‌به‌غدا، گه‌ڕ‌ێندرانه‌وه‌ بۆ زیدی خۆیان، كه‌ دووان له‌شه‌هیده‌كان برای نادیه‌ موراد باڵیۆزی نیازپاكیی نه‌ته‌وه‌ یه‌كگرتووه‌كانن".

" رووفاته‌كان له‌گوندێكی كۆجۆ ده‌نێژرێن، هاوكات نادیه‌ موراد باڵیۆزی نیازپاكیی نه‌ته‌وه‌ یه‌كگرتووه‌كان و براوه‌ی خه‌ڵاتی نۆبڵی ئاشتی له‌مه‌راسیمی به‌خاكسپاردنه‌كه‌دا ئاماده‌یه‌ و دوو برای له‌ رووفاته‌ گه‌ڕ‌ێندراوه‌كاندان و بۆ دواینجار ماڵئاواییان لێده‌كات"، نه‌وزاد شه‌نگالی وایوت.

رۆژی 3-8-2014 كاره‌ساتێكی مرۆیی گه‌وره‌ به‌سه‌ر كۆجۆی سه‌ر به‌قه‌زای شه‌نگالدا هات و چه‌كدارانی تیرۆرستانی داعش قه‌زای شه‌نگالیان داگیركرد و به‌وهۆیه‌شه‌وه‌ ژماره‌یه‌كی زۆر هاووڵاتی سڤیلیان شه‌هید كردو ئه‌و رووفاتانه‌ی ئه‌مڕۆش گه‌ڕێندرانه‌وه‌ زێدی خۆیان به‌شێكن له‌و كرده‌وه‌ تیرۆرستییانه‌ی كه‌ داعش له‌دژی ئێزدییه‌كان له‌ساڵی 2014 دا ئەنجامیدا.

PUKMEDIA