لە گەرمیان 182 سکاڵا دژى عەجاج تۆماردەکرێت

PUKMEDIA

وەرگرتنی سکاڵا دژ بە تاوانبار عەجاجی نوگرە سەلمان

لە ماوەى  شەش رۆژى رابردوودا تەنها لە گەرمیان 182 سکڵا دژى عەجاج سەرپەرشتیارى زیندانى نوگرە سەلمان تۆمار کراوە.

ئەکرەم ساڵح رەشید سەرۆکى کۆمەڵەى داکۆکى لە پرسى ئەنفال، تایبەت بە وێبسایتى رەسمى یەکێتیى نیشتمانیى کوردستان PUKMEDIA راگەیاند: "لە ماوەى نزیکەى یەک هەفتەدا کە دەرگاى سکاڵا دژى عەجاج ئەحمەد حەردان کرایەوە، 182 سکاڵا تۆمار کراون".

ئەو ژمارەیە ئاماژەیە بۆ 182 هەزار ئەنفال کە بە هۆى شاڵاوە یەک لە دواى یەکەکانى پڕۆسەى ئەنفال شەهیدکراون، هەروەها پڕۆسەى سکاڵا تۆمارکردنەکە لە ژێر چاودێرى نوسینگەى خانمى یەکەمى عیراق زۆر بە باشى بەڕێوەچوو.

ئەمەش لە کاتێکدایە بە پێى زانیارییەکانى PUKMEDIA تا ئێستا به‌تێكڕا لە لیژنەکانى سلێمانى و چەمچەماڵ و کەلار نزیكه‌ی 300 كه‌س سكاڵایان تۆمارکراون.


PUKMEDIA