کۆمسیۆن ژمارەی هاوپەیمانێتی و حزبەکانی بەشدار لەهەڵبژاردنی نوێنەران ئاشکرا دەکات

PUKMEDIA

لۆگۆی کۆمسیۆن و کاتی دەنگدان

رۆژی شەممەی داهاتوو تیروپشک بۆ پێدانی ژمارە بە هاوپەیمانێتی و حزب و کاندیدە سەربەخۆکان ئەنجام دەدرێت و کۆمسیۆنی سەربەخۆی هەڵبژاردنەکانیش ئاماری نوێی هاوپەیمانی و حزبەکانی بەشدار لە هەڵبژاردنی ئەنجومەنی نوێنەران ئاشکرا دەکات.

جومانە غەلای وتەبێژی کۆمسیۆنی باڵای سەربەخۆی هەڵبژاردنەکانی عیراق بە PUKMEDIA ی راگەیاند:" ژمارەی هاوپەیمانێتیەکان گەیشتووەتە 31 هاوپەیمانی لەگەڵ 38 حزب".

 پەیوەست بە کاندیدانی سەربەخۆ، وتەبێژی کۆمسیۆن رایگەیاند:" 79 کاندیدی سەربەخۆ بەشداری لە هەڵبژاردنەکەدا دەکەن، لەو ژمارەیەش 23 کاندیدیان گشتین و 56 کاندیدەکەی دیکەش لە پێکهاتەکانن".

ئەمەش لە کاتێکدایە، رۆژی 9ی4ی2025 ئەنجومەنی وەزیرانی عیراق بە زۆرینەی دەنگ، 11ـی 11ـی 2025ـی وەك ڕۆژی هەڵبژاردنی داهاتووی ئەنجومەنی نوێنەرانی عیراق دیاریكرد.

PUKMEDIA