وەزارەتی پێشمەرگە: هاوکاری هاوپەیمانان بۆ مانگی 7 دابەش دەکرێت

راگەیاندنی وەزارەتی پێشمەرگە

لۆگۆی وەزارەتی پێشمەرگە

ئەمڕۆ 5ی8ی2025، هاوکاریی دارایی هاوپەیمانان بۆ مانگى7 رەوانە کرا و وەزارەتی پێشمەرگەش رایدەگەیەنێت:" دوای ئەنجامدانی رێکارە دارایى و ژمێریارییەکان لە رۆژی 7ی ئابەوە دەست بە دابەشکردنى دەکرێت".

وەزارەتی پێشمەرگەی هەرێمی کوردستان لە راگەیەندراوێکیدا ئاماژەی بەوەکرد:" ئەمڕۆ 5ی8ی2025هاوکاریی دارایی هاوپەیمانان بۆ مانگى7تەمویلی وەزارەتی پێشمەرگە کرا و دوای ئەنجامدانی رێکارە دارایى و ژمێریارییەکان لەلایەن بەڕێوەبەرایەتى گشتى بوودجە و بەرنامەکان لە رۆژی پێنج شەممە 7ی ئاب دەست بە دابەشکردنى دەکرێت".

دەربارەی بڵاوبوونەوەی هەواڵ زانیارییەکان لە ماڵپەڕ و پێگەی میدیایی، وەزارەتی پێشمەرگە رایگەیاندووە؛ سەرچاوەی رەسمی بۆ هەموو هەواڵ و زانیارییەکانی پەیوەست بە هێزی پێشمەرگە، تەنها ماڵپەری رەسمی و سۆشیال میدیا و پلاتفۆرمەکانی وەزارەتی پێشمەرگەیە،بۆیە هەر هەواڵ و زانیارییەک لە هەر پێگەیەکی دیکەی میدیایی بڵاوبکرێتەوە متمانەی پێناکرێت و وەزارەتی پێشمەرگە هیچ بەرپرسیاریەتیێک لە زانیارییە هەڵەکان هەڵناگرێت کە لە کەناڵەکانی دیکەوە بڵاو دەکرێتەوە.

PUKMEDIA