قوباد تاڵەبانی :پشتیوانی رۆڵ و پێگەی ژنان دەبم

تایبەت

قوباد تاڵەبانی و سکرتێر و دەستەی بەڕێوەبەریی یەکێتیی ژنانی کوردستان

قوباد تاڵەبانی، لێپرسراوی سکرتارییەتی سەرۆک مام جەلال لەگەڵ لەیلا عەبدوڵڵا، سکرتێر و دەستەی بەڕێوەبەریی نوێی یەکێتیی ژنانی کوردستان کۆبووەوە.

لە کۆبوونەوەکەدا کە رۆژی یەکشەممە (3/8/2025) بەڕێوەچوو، قوباد تاڵەبانی پیرۆزبایی لە سکرتێر و دەستەی بەڕێوەبەریی نوێی یەکێتیی ژنان کرد و هیوای خواست لە ماوەی ئەرکەکەیاندا بتوانن گەشەی زیاتر بە رێکخراوەکە بدەن و خزمەتی گەورەتری پرسی ژن بکەن.

لێپرسراوی سکرتارییەتی سەرۆک مام جەلال بە ئاماژەدان بە مێژووی کار و چالاکییەکانی سێ دەیەی رابردووی یەکێتیی ژنان، داوای کرد لەم قۆناغەدا رێکخراوەکە خۆی لەگەڵ گۆڕانکارییە کۆمەڵایەتییەکاندا بگونجێنێت و بەپێی پێویستییەکانی ئەم قۆناغە نوێیە هەوڵ بدەن بۆ بەهێزترکردنی رۆڵ و پێگەی ژنان لە کۆمەڵگا و لەناو دامەزراوەکاندا.

هەر لە کۆبوونەوەکەدا قوباد تاڵەبانی پشتیوانیی تەواوی خۆی بۆ سکرتێر و بەڕێوەبەرانی نوێی یەکێتیی ژنان دەربڕی و رایگەیاند: "یەکێتیی ژنان لەپێناو بەدیهێنانی ئامانجێکی گەورەدا دامەزراوە، هەربۆیە بە هەموو تواناوە پشتگیری لە هەوڵەکانی بەرەوپێشبردن و گەشەپێدانی رێکخراوەکە دەکەین".

PUKMEDIA