ئەمریکا داوای چارەسەرکردنی کێشەی مووچەی هەرێم لەسودانی دەکات

The New Region

سودانی و روبیۆ

وەزیری دەرەوەی ئەمریکا بۆ تاوتوێکردنی پێشهاتەکانی ئەم دواییەی تایبەت بە ژێرخانی وزەی عیراق و مووچەی مووچەخۆرانی هەرێم پەیوەندییەکی تەلەفۆنی لەگەڵ سەرۆکوەزیرانی عیراق ئەنجامدا.

بەپێی بەیاننامەیەک کە لەلایەن وەزارەتی دەرەوەی ئەمریکاوە بڵاوکراوەتەوە، مارکۆ روبیۆ وەزیری دەرەوەی ئەمریکا لەپەیوەندییەکەدا نیگەرانی خۆی دەربڕیوە لە هێرشەکانی ئەم دواییە کە دامەزراوەکانی وزەیان کردووەتە ئامانج، لەنێویاندا ئەوانەی لەلایەن کۆمپانیا ئەمریکییەکانەوە بەڕێوەدەبرێن.

جەختیشی کردەوە لەسەر پێویستی حکومەتی عیراق بۆ دەستەبەرکردنی لێپرسینەوە و گرتنەبەری هەنگاوی کاریگەر بۆ رێگریکردن لە رووداوی زیاتر و هاوکات تیشکی خستە سەر گرنگی پێدانی مووچەی بەردەوام بە فەرمانبەرانی هەرێمی کوردستان و داوای دەستپێکردنەوەی هەناردەکردنی نەوتی کرد لەنێوان عیراق و تورکیادا.


PUKMEDIA