رەفعەت عەبدوڵڵا: كۆمیتەكان هێڵی گەرمی نێوان خەڵك و یەكێتی بن

نوسینگەی راگەیاندنی جێگری سەرۆكی یەكێتی

كۆبوونەوەی رەفعەت عەبدوڵڵا، جێگری سەرۆكی یەكێتی لەگەڵ لێپرسراوی كۆمیتەكانی سنووری سلێمانی

رەفعەت عەبدوڵڵا، جێگری سەرۆكی یەكێتیی نیشتمانیی كوردستان، لەگەڵ لێپرسراوی كۆمیتەكانی سنووری سلێمانی كۆبووەوە و لەژێر رۆشنایی گۆڕانكارییە بڕیار لێدراوەكاندا ئەركە هەنووكەییەكانی خەباتی بۆ روونكردنەوە.

لەكۆبونەوەكەدا كە سەركەوت زەكی ئەندامی مەكتەبی سیاسی ئامادەی بوو، جێگری سەرۆكی یەكێتی، رایگەیاند: "كۆمیتەكان لەئایندەی كاری رێكخستن و كەمپینەكانی هەڵبژاردندا میكانیزم و میتۆدێكی نوێ و سەردەمیانە پەیڕەو بكەن"، لەوبارەیەوە وتی: "كۆمیتەكان نابێت تەنها لەكاتی هەڵبژاردن بچنە ناو خەڵك، بەڵكو هەمیشە هێڵی گەرمی نێوان خەڵك و یەكێتی بن".

جێگری سەرۆك، باسی لەوەكرد كەسستی و كەمتەرخەمی دەگۆڕین بۆ بوژانەوە و گەشانەوەی ریزەكانمان لەسەرەوە بۆ خوارەوە و تواناو وزەكان دەخەینەگەڕ، بۆ جێبەجێكردنی بەرنامەو سیاسەتی یەكێتی لەئێستاو ئایندەدا، وتیشی: "ئەركی سەرەكیتان، بەستنەوەی خەباتی رێكخستنە بەخزمەت و چاكەی گشتیەوەو لەپێناو خەڵكدا بێت".

PUKMEDIA