ره‌فعه‌ت عه‌بدوڵڵا: سلێمانی ژینگه‌یه‌كی ئارامه‌ بۆ كاسبكار و بازرگانان

راگەیاندنى رەفعه‌ت عه‌بدوڵڵا جێگری سه‌رۆكی یه‌كێتیی نیشتمانیی كوردستان

وێنەى کۆبوونەوەکە

جێگری سه‌رۆكی یه‌كێتیی نیشتمانیی كوردستان پشتیوانی خۆی بۆ كاسبكارانی بازاڕی سلێمانی دووپاتكرده‌وه‌ و رایگه‌یاند:"پێویسته‌ ناوه‌ندی بازاڕ‌ی مه‌ڵبه‌ندی سلێمانی رایه‌ڵه‌یه‌كی به‌هێز له‌گه‌ڵ كاسبكاران دروستبكه‌ن و كارئاسانیان بۆ بكه‌ن".

له‌كۆبوونه‌وه‌كه‌دا كه‌ به‌ئاماده‌بونی ته‌حسین نامیق، له‌گه‌ڵ (ناوه‌ندی بازاڕ‌ی مه‌ڵبه‌ندی یه‌كی سلێمانی) به‌ڕێوه‌چوو، رەفعه‌ت عه‌بدوڵڵا جێگری سه‌رۆكی یه‌كێتیی نیشتمانیی كوردستان رایگه‌یاند:"سلێمانی ژینگه‌یه‌كی هێمن و ئارامه‌ بۆ سه‌رجه‌م كاسبكار و بازرگانان و وه‌ك هه‌میشه‌ یه‌كێتی له‌هه‌وڵی په‌ره‌پێدانی زیاتردایه‌ بۆ گه‌شه‌ی زیاتر به‌بازاڕ‌ و ره‌خساندنی كه‌شێكی له‌بارتر بۆ كاسبكارانی شاره‌ حه‌یاته‌كه‌".

رفعه‌ت عه‌بدوڵڵا ئاماژه‌ی بۆ ئه‌وه‌كرد:" یه‌كێتی هاوكار و هاریكاری كاسبكارانه‌ و ناوه‌ندی ناوبازاڕ‌ی راسپارد، پشتیوان و هاوكارێكی به‌رده‌وامبن، هاوكات داواشیلێكردن كه‌ رایه‌ڵه‌یه‌كی به‌هێز و میانه‌یه‌كی گه‌رم له‌گه‌ڵ كاسبكارانی بازاڕ‌ دروستبكه‌ن و كارئاسانیان بۆ بكه‌ن".

PUKMEDIA