رەفعەت عەبدوڵڵا: روانگەی یەكێتی بۆ جیهان روونبكرێتەوە

نوسینگەی راگەیاندنی جێگری سەرۆكی یەكێتی

كۆبوونەوەی رەفعەت عەبدوڵڵا لەگەڵ بەشی دەرەوەی مەكتەبی پەیوەندییەكان

رەفعەت عەبدوڵڵا جێگری سەرۆكی یەكێتیی نیشتمانیی كوردستان، لەگەڵ لێپرسراو و هەڤاڵانی بەشی دەرەوەی مەكتەبی پەیوەندییەكان كۆبووەوە.

جێگری سەرۆكی یەكێتی، لەدەسپێكی كۆبونەوەكەدا ستایشی رۆڵی بەشی دەرەوەی مەكتەبی پەیوەندییەكانی یەكێتی كرد و هەوڵ و چالاكییەكانیانی بەرز هەڵسەنگاند، پاشان لەنزیكەوە رێكخستنەوەی رێكارە حزبییەكان و پێداچوونەوەی جددی بە ئۆرگانەكانی یەكێتی بۆ هەڤاڵان روونكردەوەو وتی: "زەروریەتی ئەم قۆناغەی خەبات، چارەسەری ریشەیی و بوژانەوەی ژیانی حزبیمان بەشێوازی سەردەمیانە لێدەخوازێت".

رەفعەت عەبدوڵڵا راشیگەیاند: "لەژێر رۆشنایی راسپاردە و بەرنامەكانی سەرۆك بافڵ، یەكێتی پەرە بەپەیوەندییەكان و دۆستایەتی لەگەڵ دنیای دەرەوە دەدات و لەوبارەیەوە وتی: "روانگە و دنیابینی یەكێتی روونبكرێتەوە بۆ فراوانكردنی پەیوەندییەكانمان لەگەڵ دۆستەكانمان لەجیهاندا". 

جەختی لەوەشكردەوە، مەكتەبی پەیوەندییەكان، كاریگەری زیاتری هەبێت لەسەر كۆكردنەوە و ئاڕاستەكردنی رەوەندی كوردی لەدنیادا، وەك پشتیوانییەكی گەورە و لۆبی بۆ دۆزی رەوای گەلەكەمان.

PUKMEDIA