نزیكه‌ی 8 هه‌زار فێرخواز تاقیكردنه‌وه‌ی خوله‌كانی ئینگلیزی ده‌كه‌ن

وەزارەتى خوێندنى باڵا

لۆگۆى وەزارەتى خوێندنى باڵا

ئه‌مڕۆ شه‌ممه‌، به‌به‌شداری (7813) خوازیار تاقیكردنه‌وه‌ی كۆتایی خوله‌كانی زمانی ئینگلیزی له‌ زانكۆكانی كوردستان ده‌ستیپێكرد.

به‌سه‌رپه‌رشتی وه‌زاره‌تی خوێندنی باڵا و توێژینه‌وه‌ی زانستی و به‌ هه‌ماهه‌نگی له‌گه‌ڵ زانكۆ حكومییه‌كانی هه‌رێمی كوردستان، (7813) خوازیار له‌ چوارده‌ سەنته‌ری زمانی ئینگلیزی له‌ زانكۆ حكومیه‌كانی كوردستان، تاقیكردنه‌وه‌ی كۆتایی خوله‌كانی زمانی ئینگلیزی ده‌ستیپێكرد.

ئه‌مڕۆ 28ی6ی2025 پرۆسه‌ی تاقیكردنه‌وه‌ی كۆتایی خوله‌كانی زمانی ئینگلیزی له‌چوارده‌ سەنته‌ری زمانی زانكۆ حكومییه‌كانی هه‌رێمی كوردستان ده‌ستیپێكرد و تاكو 4ی7ی2025 به‌یانیان و ئێواران به‌رده‌وامده‌بێت.

(690) به‌شداربوو له‌ ئاستی (Beginner) و (1950) به‌شداربوو له‌ ئاستی (Elementary) و (3718) به‌شداربوو له‌ ئاستی (Intermediate) و (1455) به‌شداربوو له‌ ئاستی (Advanced) به‌شدارن له‌ تاقیكردنه‌وه‌كان، به‌مه‌ش كۆی گشتی به‌شداربوان له‌ هه‌ر چوار ئاست بریتیه‌ له‌ (7813) به‌شداربوو.

ئامانج له‌ ئه‌نجامدانی تاقیكردنه‌وه‌ی كۆتایی خوله‌كانی زمانی ئینگلیزی برییتییه‌ له‌ هه‌ڵسه‌نگاندنی به‌شداربوان له‌ دوای به‌شداریكردنیان له‌ ئاسته‌ جیاجیاكانی خولی فێربوونی زمانی ئینگلیزی له‌سەنته‌ره‌كانی زمانی زانكۆ حكومییه‌كانی هه‌رێمی كوردستان بۆ مه‌به‌ستی به‌ده‌ستهێنانی مه‌رجی توانستی زمانی ئینگلیزی و وه‌رگرتنی نازناوی زانستی و خوێندنی باڵا /ماسته‌ر و دكتۆرا له‌زانكۆكانی هه‌رێمی كوردستانه‌.

PUKMEDIA