ئەمڕۆ گەشتە ئاسمانییەکانی عیراق دەستپێدەکەنەوە

الراسد العراقی

فڕۆکەیەکی هێڵی ئاسمانی عیراقی

دوای 12 رۆژ لەڕاگرتنی گەشتە ئاسمانییەکان بەهۆی شەڕی نێوان ئیسرائیل و ئێران، وەزارەتی گواستنەوەی عیراق بڕیاریدا لە ئەمڕۆوە 25ی6ی2025 دەست بە کردنەوەی فڕۆکەخانەکان بکرێت و گەشتە ئاسمانییەکان ئاسایی بکرێنەوە.


وەزارەتی گواستنەوەی عیراق ئاماژەی بەوەکرد،"لەئەمرۆ چوارشەممەوە بەچەند قۆناغێک سەرجەم گەشتە ئاسمانییەکان لەعیراق ئاسایی دەکرێنەوە، سەرەتاش گەشتەکانی هەردوو فڕۆکەخانەی نێودەوڵەتی بەغدا و بەسڕە دەستپێدەکەنەوە، دواتر لەسەرجەم فڕۆکەخانەکانی عیراق گەشتەکان ئاسایی دەبنەوە".


ئەمەش لەکاتێکدایە، لەماوەی 12 رۆژی رابردوودا و بەتایبەت دوای زیادبوونی گرژییەکانی نێوان ئێران و ئیسرائیل، توانرا زیاتر لە 90 گەشتی ئاسمانی لەفڕۆکەخانەی بەسرەوە ئەنجام بدرێت و 24 هەزار و 900 هاووڵاتی عیراقی بگەڕێنرێنەوە عیراق.

PUKMEDIA