وەزارەتی دەرەوەی ئێران: بەشداری لە دانوستانەکەی سبەینێدا ناکەین

میدیاکان

ئالاى ئێران

کۆماری ئیسلامی ئێران بەرەسمی رایدەگەیەنێت، بە شداری لە دانوستانی سبەی لەگەڵ ئەمریکا ناکات، کە بڕیاربوو لە مەسقەت بەڕێوەبچێت و وتەبێژی وەزارەتی دەرەوەی ئێرانیش دەڵێت:" لە ئێستادا سەرنجی سەرەکیمان لەسەر رووبەڕووبوونەوەی دەستدرێژەییەکانە".

ئیسماعیل بەقائیی وتەبێژی رەسمی وەزارەتی دەرەوەی کۆماری ئیسلامی ئێران ئەمڕۆ ئاشکرایکرد، کە بەشداری لە دانوستانی سبەی لەگەڵ ئەمریکا ناکەن، کەبڕیار بوو لە مەسقەتی عوممان بەڕێوەبچێت، بەڵکو سەرنجیان لەسەر رووبەڕووبونەوەی دەستدرێژییەکانە".

"بیمانایە  بەشداریکردن لە دیالۆگێکدا  بکەین، کە لایەنەکە هاوبەشی دەستدرێژیکاری سەر ئێران بێت"، وتەبێژی وەزارەتی دەرەوەی ئیران وادەڵێت.

بڕیاربوو سبەی خولێکی دیکەی وەفدی دانوستانکاری ئەمریکا و ئێران لە مەسقەت بەڕێوەبچێت و بەهۆی گرژیی و ئاڵۆزییەکانەوە ئێران بۆ ئەم خولە هەڵوێستی خۆی رایگەیاند کە رەتکردنەوەیە.

 سەرچاوە ئاژانسی میهری ئێرانی

PUKMEDIA