تاقیکردنەوەکان لە هەرێم دواخران

PUKMEDIA

وەزارەتی پەروەردە

وەزارەتی پەروەردە لەبەر بەرژەوەندی گشتیی هەموو تاقیکردنەوەکان لە خوێندنگە حکومی و ناحکومیەکان بە خوێندنگە ناحکومییە نێودەوڵەتیەکان و تاقیکردنەوەکانی وەزاری پۆلی 12ی ئامادەیی بەهەموو بەشەکانیەوە و تاقیکردنەوەکانی خولی دووەمی خوێندنگە حکومی و ناحکومیەکانیشی بۆ هەفتەی داهاتوو دواخست.


لەڕاگەیەنراوێکدا کە وێنەیەکی بۆ PUKMEDIA نێردراوە، وەزارەتی پەروەردەی حکومەتی هەرێمی کوردستان رایگەیاند:"لەبەر بەرژەوەندی گشتیی، ئەم هەفتەیە  واتە لە سبەی رۆژی شەممە 14 ی 6 ی 2025ەوە هەموو تاقیکردنەوەکان لە خوێندنگە حکومی و ناحکومییەکان بە خوێندنگە ناحکومییە نێودەوڵەتیەکان و تاقیکردنەوەکانی وەزاری پۆلی 12ی ئامادەیی بەهەموو بەشەکانیەوە و تاقیکردنەوەکانی خولی دووەمی قوتابخانە حکومی و ناحکومیەکانیش هەمووی دوا دەخرێت بۆ هەفتەی داهاتوو".

راشیگەیاند:"لە هیچ ناوەندێکی خوێندنی وەزارەتی پەروەردە تاقیکردنەوەکان ئەنجام نادرێن پاشتر لە رێگەی راگەیەندراوێکەوە لە خشتەی تاقیکردنەوەکان ئاگادارتان دەکەینەوە.


PUKMEDIA