ئێران ناوی زانا ئەتۆمییە بەئامانجگیراوەکانی ئاشکراکرد

رۆیتەرز

دیمەنی هێرسەکەی ئیسرائیل بۆ سەر ئێران

ئاژانسی هه‌واڵی ته‌سنیمی  بڵاویكرده‌وه‌:"هێرشه‌كانی ئیسرائیل بۆ سه‌ر ئێران بووه‌تە هۆی كوژرانی شه‌ش زانای ئه‌تۆمی ئێرانی".

به‌گوێره‌ی میدیای ده‌وڵه‌تی ئێران (ته‌سنیم) کە ئەمڕۆ ئاشکرایان کرد:"هەریەک  له‌ زانایانی ئەتۆمی فه‌ره‌یدون عه‌باسی، محه‌مه‌د مه‌هدی تارانچی، ئه‌حمه‌د ڕه‌زا زۆڵفه‌قاری مامۆستای ئه‌ندازیاری ئه‌تۆمی کراونەتە ئامانج و سێ زانای دیكه‌ی ئه‌تۆمی دیکە ناوه‌كانیان ئاشكرانه‌كراون".

هاوکات ئه‌فیخای ئه‌درعی وته‌بێژی سه‌ربازیی ئیسرائیل رایگه‌یاند:"هێرشه‌كان بۆسه‌ر ئێران كوژرانی سێ سه‌ركرده‌ی باڵای دامه‌زراوه‌ی سه‌ربازی و ئه‌منیی ئێران له‌خۆگرتبو، دیارترینیان: محه‌مه‌د باقری سه‌رۆكی ئه‌ركانی هێزه‌ چه‌كداره‌كانی ئێران، حسێن سه‌لامی، فه‌رمانده‌ی سوپای پاسدارانی ئێران، غوڵام عه‌لی ڕه‌شید فه‌رمانده‌ی حاته‌مم ئه‌نبیائی ئێران".


ده‌سه‌ڵاتی په‌خشی ئیسرائیل له‌ زاری به‌رپرسانی ئیسرائیله‌وه‌ بڵاویكرده‌وه‌، ئیسرائیل له‌ هێرشه‌كانی ئه‌م دواییه‌ی بۆ سه‌ر ئێران لانیكه‌م 10 زانای ئه‌تۆمی كردۆته‌ ئامانج.

PUKMEDIA/ سەرچاوە ئێرانی و ئیسرائیلییەکان