کۆمسیۆن: نزیکەی 2 ملیۆن کەس کارتەکانیان نوێکردووەتەوە

PUKMEDIA

تۆماری بایۆمەتری دەنگدەران

کۆمیسیۆنی باڵای سەربەخۆی هەڵبژاردنەکانی عیراق رایدەگەیەنێت:" ژمارەی ئەو کەسانەی کارتی بایۆمەترییان نوێکردووەتەوە زیادیکردووە، بەجۆرێک تائیستا زیاتر لە یەک ملیۆن و 800 هەزار کەس کارتەکانیان نوێکردووەتەوە".

لەڕاگەیەنراوێکدا کۆمیسیۆنی باڵای سەربەخۆی هەڵبژاردنەکانی عیراق ئاماژەی بەوەکردووە:" ژمارەی ئەو کەسانەی کارتی بایۆمەترییان نوێکردووەتەوە زیادیکردووە، بەجۆرێک تائیستا زیاتر لە یەک ملیۆن و 800 هەزار کەس کارتەکانیان نوێکردووەتەوە، هاوکات ناوەندەکانی تۆمارکردنی کارتی بایۆمەتری هەموو رۆژەکانی هەفتە کراوەن".

جومانە غەلای وتەبێژی کۆمیسیۆنی باڵای سەربەخۆی هەڵبژاردنەکانی عیراق بە وێبسایتی رەسمیی یەکێتیی نیشتمانیی کوردستان PUKMEDIAی راگەیاند: "هەڵمەتی راگەیاندن و تیمە گەڕۆکەکان یارمەتیدەربوون لە بەرزبوونەوەی رێژەی نوێکردنەوەی بایۆمەتری و ئەمەش هانی کۆمیسیۆن دەدات ماوەی نوێکردنەوەی تۆماری دەنگدەران درێژ بکاتەوە، چونکە خواستی زۆری هاووڵاتیانی لەسەرە".

"پێشتر بۆ ماوەی یەک مانگ کاتی تۆمارکردنمان درێژکردووەتەوە و لە 14ی حوزەیران کاتەکە کۆتاییپێدێت،  کە ئەمە درێژترین درێژکردنەوەیە کۆمیسیۆن کردوویەتی"، جومانە غەلای وایوت.

راشیگەیاند: "دوایین ئامارەکان بۆ نوێکردنەوەی تۆمارکردنی بایۆمەتری هەتا دوێنێ 4ی حوزەیرانی 2025 گەیشتووەتە یەک ملیۆن و 807 هەزار و 698 نوێکردنەوە، بەم شێوەیەی خوارەوەیە:


* بەغدا 207360
* دهۆك 64857
* هەولێر 126522
* سلێمانی 92646
* نەينەوا 256612
* كەركوك 92965
* ديالە 75620
* ئەنبار 97483
* بەغدا كرخ 188232
* بابل 69665
* كەربەلا 45293
* واسط 45757
* صەلاحەدين 99702
* نەجەف 50864
* ديوانيە 46036
*موسەنا 24801
* زيقار 89491
* ميسان 31549
* بەسرە 102243

PUKMEDIA