ترەمپ گەشتی ئاسمانیی 12 وڵات بۆ ئەمریکا قەدەغە دەکات

NBC NEWS

دۆناڵد ترەمپ سەرۆكی ئەمەریكا

سەرۆکی ئەمریکا گەشتی ئاسمانیی 12 وڵات بۆ ئەمریکا قەدەغە دەکات و هۆکارەکەی بۆ پاراستنی بواری ئەمنی دەگێڕێتەوە.

لە راگەیەنراوێكدا كۆشكی سپی  رایگەیاند:" دۆناڵد ترەمپ سەرۆكی ئەمەریكا، بریارێكی ئیمزا كردووە بۆ قەدەغەی گەشتی هاووڵاتییانی 12 وڵاتی جیهان بۆ ئەمریكا، کە ئەمەش بە ئامانجی پاراستنی ئاسایشی نەتەوەییە".
 
بەگوێرەی بڕیارە ئمیزاکراوەکەی ترەمپ قەدەغەکردنی گەشت هەریەک لە   وڵاتانی ئەفغانستان، میانمار، چاد، كۆنگۆ، گینیا، ئێریتریا، هایتی، ئێران، لیبیا، سۆماڵ، سودان و یەمەن دەگرێتەوە و هاووڵاتییانی ئەو وڵاتانە رێگەیان پێنادرێت گەشتی ئەمریكا بكەن، هاوكات هاووڵاتیانی وڵاتانی بۆروندی، كوبا، لاوس، سیرالیۆن، تۆگۆ، توركمانستان و ڤەنزوێلا بە شێوەیەكی سنوردار دەتوانن گەشت بۆ ئەمریكا بكەن. 

ئەمەش لەکاتێکدایە، دۆناڵد  ترەمپ لە خولی یەكەمی سەرۆكایەتییەكەیدا هەمان بڕیاری دەركرد، بەڵام جۆ بایدن كە بوو بە سەرۆكی ئەمریكا هەڵیوەشاندەوە.

PUKMEDIA