عیراق خاوەنی 163 تەن زێڕ و 100ملیار دۆلاری یەدەگە

24 بالعربیە

زێڕ و دۆلار

بانکی ناوەندی عیراق رایدەگەیەنێت:" یەدەگی عیراق 100 ملیار دۆلاری تێپەڕاندووە و خاوەنی 163 تەن زێریشە و نەختینەی تەواو لە بەردەستدایە".

ئەمڕۆ دووشەممە 2ی6ی2025، محەمەد یونس  بەڕێوەبەری گشتیی بەشی وەبەرهێنانی بانکی ناوەندی زانیاری نوێ لەبارەی داهات و نەختینەی عیراقەوە ئاشکراکرد، کە نەختینە بە دیناری عیراقیی یان دۆلاری ئەمریکیی لەبەردەستە و هیچ کەموکورتییەک نییە، راشیدەگەیەنێت:"یەدەگی بانکی ناوەندی 100 ملیار دۆلاری تێپەڕاندووە، عیراق خاوەنی 163 تۆن یەدەگی زێڕە ".

بەڕێوەبەری گشتیی بەشی وەبەرهێنانی بانکی ناوەندی ئاماژەی بەوەشکرد:"بانکی ناوەندی لایەنێکی وەبەرهێنەر نییە، بەڵکو بەرپرسیارە لە بەڕێوەبردنی یەدەگی دراوی بیانی عیراق ئامانجەکەش بۆ بەدەستهێنانی قازانج نییە،  ئەوەش بەپێی سیاسەت و لەسەر بنەمای ستاندارد و دڵنیایی بەڕیوەدەبرێت، عیراق لەسەر رێگایەکی باشی ئابوورییە".

PUKMEDIA