جێگری سەرۆکی هەرێم: کێشەکانی نێوان هەرێم و بەغدا لەچوارچێوەی دەستووردا چارەسەربکرێن

نوسینگەی رۆژنامەوانی شێخ جەعفەر شێخ مستەفا

جێگری سەرۆکی هەرێمی کوردستان و باڵیۆزی سویسرا

 ئێوارەی دوێنێ یەکشەممە 1ی6ی2025، شێخ جەعفەر شێخ مستەفا جێگری سەرۆکی هەرێمی کوردستان پێشوازی لە دانیێل هون، باڵیۆزی سویسرا لە عیراق کرد.

لە کۆبوونەوەکەدا، پەیوەندییەکانی نێوان سویسرا و هەرێمی کوردستان، دوایین پێشهاتە سیاسییەکانی عیراق و ناوچەکە، پێکهێنانی کابینەی نوێی حکومەتی هەرێمی کوردستان، پەیوەندییەکانی نێوان هەولێر و بەغدا و چارەسەرکردنی کێشەکان لە چوارچێوەی دەستوور و چەند پرسێکی هاوبەش و جێی بایەخی نێوان هەردوولا، تاوتوێکران.

لە کۆبوونەوەکەدا، هەردوولا جەختییان لە برەودان بە پەیوەندییەکانی نێوان ووڵاتی سویسرا لەگەڵ عیراق و هەرێمی کوردستان کردەوە، هەروەها یەکڕیزیی و یەکهەڵوێستی نێوان لایەنە سیاسییەکانی هەرێمی کوردستانیان بە گرنگزانی، لەپێناو پێکهێنان و دامەزراندنی کابینەی نوێی حکومەتی هەرێمی کوردستان.

PUKMEDIA