ئەمریکا سزاکانی سەر سوریا کەمدەکاتەوە

Reuters

دۆناڵد ترەمپ و ئەحمەد شەرع

وزارەتی گەنجینەی ئەمریکا بریارێکی لەناکاوی بۆ کەمکردنەوەی سزا ئابووریەکانی سەر سوریا دەرکرد، بەپێی بڕیارەکە رێگە بە وەبەرهێنانی نوێ و چالاکی کەرتی تایبەت لە سوریا دەدرێت.

لەڕاگەیەنراوێکدا وزارەتی گەنجینەی ئەمریکا رایگەیاند:"مۆڵەتێکی گشتی دەرکردووە بۆ کەمکردنەوەی هەندێک لە سزا سەپێندراوەکانی سەر سوریا"، روونیشیکردووەتەوە ئەم بڕیارە لەگەڵ لێدوانەکەی  دۆناڵد ترامپ سەرۆکی ئەمریکا بۆ هەڵگرتنی سزا سەپێندراوەکانی سەر سوریا یەکدەگرێتەوە.

هەر لەبڕیارەکە،  ئاماژە بەوەدراوە:"ئەم بڕیارە رێگە بە هاوپەیمان و هاوبەشەکانمان دەدات کە لە سوریا وەبەرهێنان بکەن"، واتە رێگە بە وەبەرهێنانی نوێ و چالاکی کەرتی تایبەت لە سوریا دەدرێت.

ئەمەش لەکاتێکدایە، هەفتەی رابردوو دۆناڵد ترەمپ سەرۆکی ئەمریکا، لە میانی گەشتەکەیدا بۆ کەنداو رایگەیاند:"من فەرمان دەدەم سزاکانی سەر سوریا هەڵبگیرێت بۆ ئەوەی دەرفەتێکیان پێ بدەین، سزاکان توند بوون، بەڵام ئێستا کاتی ئەوە هاتووە سوریا بدرەوشێتەوە".

PUKMEDIA