پارێزگاره‌كانی هه‌رێمی كوردستان گه‌یشتنه‌ سنه‌

راگەیاندنی پارێزگاری سلێمانی

پارێزگاره‌كانی هه‌رێمی كوردستان لەسنە

پارێزگاره‌كانی هه‌رێمی كوردستان له‌سنه‌ به‌شداری خولی پارێزگا هاوسنوورییه‌كانی هه‌رێمی كوردستان و خۆرهه‌ڵاتی كوردستان ده‌كه‌ن.

رۆژی 20ی5ی2025 له‌فڕ‌ۆكه‌خانه‌ی نێوده‌وڵه‌تی هه‌ولێره‌وه‌، پارێزگاری شاره‌كانی هه‌رێمی كوردستان به‌سه‌ردانێكی ره‌سمی گه‌یشتنه‌ پارێزگای سنه‌ له‌رۆژهه‌ڵاتی كوردستان بۆ به‌شداریكردن له‌كۆبوونه‌وه‌ی خولی پارێزگا هاوسنوورییه‌كانی هه‌رێمی كوردستان و خۆرهه‌ڵاتی كوردستان.

وه‌فدی پارێزگاره‌كانی هه‌رێمی كوردستان پێكهاتبوون له‌ (ئومێد خۆشناو پارێزگاری هه‌ولێر، د.هه‌ڤاڵ ئه‌بوبه‌كر پارێزگاری سلێمانی و نوخشه‌ ناسیح پارێزگاری هه‌ڵه‌بجه‌ و دكتۆر عه‌لی ته‌ته‌ر پارێزگاری دهۆك)، هاوكات سه‌رۆكی ژوره‌ بازرگانی و پیشه‌سازییه‌كانی سلێمانی و هه‌لێر و دهۆك و هه‌ڵه‌بجه‌ و به‌ڕ‌ێوه‌به‌ری ده‌روازه‌ هاوسنوورییه‌كان به‌شدارن له‌كۆبوونه‌وه‌كه‌.

بڕیاریشه‌ دوانیوه‌ڕۆی ئه‌مڕۆ كۆبوونه‌وه‌ی خولی پارێزگا هاوسنورییه‌كانی هه‌رێمی كوردستان و خۆرهه‌ڵاتی كوردستان له‌كۆماری ئیسلامی ئێران (كوردستان (سنه‌)، كرماشان و ورمێ)، ده‌ستپێبكات.

PUKMEDIA