کۆمسیۆن: زیاتر لە یەک ملیۆن کەس کارتى بایۆمەترییان نوێکردەوە

PUKMEDIA

لۆگۆى کۆمسیۆنی باڵای سەربەخۆی هەڵبژاردنەکان

ئەمڕۆ یەکشەممە 18ى5ى2025 کۆمسیۆنی باڵای سەربەخۆی هەڵبژاردنەکانی عیراق ئامارى دەنگدەرانى سەرجەم پارێزگاکانى عیراقى بڵاوکردەوە.

کۆمسیۆنی باڵای سەربەخۆی هەڵبژاردنەکانی عیراق رایگەیاند: "ژمارەی ئەو دەنگدەرانەی کارتی بایۆمەتریی دەنگدانیان نوێکردۆتەوە، گەیشتووەتە یەک ملیۆن و 292 هەزار و 45 کەس".

ئاماژەى بەئەوەشدا : "بە پێى هێڵکارییەک کە بۆ سەرتاسەرى عیراق کراوە، نەینەوا بە 201 هەزار و 186 دەنگدەر پێشەنگی ریزبەندییەکەی گرتووە، دوای ئەویش بەغدا بە 137 هەزار و 122 کەس لە پلەی دووەمدایە و کەرخیش بە 127 هەزار و 702 دەنگدەر، لە پلەی سێیەمدایە".

ئەوەشى خستۆتەڕوو: "بەپێی داتاکانی کۆمسیۆن، هەولێر بە 95 هەزار و 417 دەنگدەر پلەی چوارەمی ریزبەندییەکەی بەدەستهێناوە، هەروەها سەڵاحەدین بە 74 هەزار و 808 دەنگدەر پلەی پێنجەمە، ئەنبار بە 71 هەزار و 825 دەنگدەر لە پلەی شەشەمدایە و کەرکوکیش بە 71 هەزار و 407 دەنگدەر پلەی حەوتەمی بەدەستهێناوە".

ئەمەش لەكاتێكدایە رۆژی 9ی 4ی 2025 ئەنجومەنی وەزیران كۆبوونەوەیەكی بە سەرۆكایەتی محەمەد شیاع سودانی سەرۆكی ئەنجومەنی وەزیرانى عیراق ئەنجامدا و رێكەوتی 11ی 11ی 2025، وەك وادەی ئەنجامدانی هەڵبژاردنی خولی شەشەمی ئەنجوومەنی نوێنەرانی عیراق دیاریكرد.


ئەم وێنەیەى خوارەوە لیستى ژمارەى دەنگدەرانى سەرجەم پارێزگاکانى عیراقە.  


PUKMEDIA