تاقیكردنه‌وه‌ی زیاتر له‌ یه‌ك ملیۆن و 300 هه‌زار خوێندكار ده‌ستیپێكرد

راگەیاندنی پەروەردە

تاقیکردنەوەی خوێندکاران

ئه‌مڕۆ 17ی5ی2025 به‌ به‌شداری زیاتر له‌ یه‌ك ملیۆن خوێندكار، تاقیكردنه‌وه‌ی پۆله‌ ناكۆتاكان له‌هه‌رێمی كوردستان ده‌ستیپێكرد.

وه‌زاره‌تی په‌روه‌رده‌ی حكومه‌تی هه‌رێمی كوردستان له‌ راگه‌یه‌نراوێكدا ئاماژه‌ بۆ ئه‌وه‌ده‌كات، به‌یانی ئه‌مڕ‌ۆ تاقیكردنه‌وه‌كانی كۆتایی خولی یه‌كه‌می، وه‌رزی دووه‌می پۆله‌ ناكۆتاكان له‌ قوتابخانه‌كانی هه‌رێمی كوردستان ده‌ستیانپێكرد و تا رۆژی دووشه‌ممه‌ی داهاتوو، 26ی5ی2025، به‌رده‌وام ده‌بێت".

به‌ گوێره‌ی ئاماره‌كانی به‌ڕ‌ێوه‌به‌رایه‌تی گشتیی ئه‌زموونه‌كانی سه‌ر به‌ وه‌زاره‌تی په‌روه‌رده‌، زیاتر له‌ یه‌ك ملیۆن و 387 هه‌زار و 895 خوێندكار له‌و تاقیكردنه‌وانه‌دا به‌شدارن، هه‌روه‌ها  زیاتر له‌ حه‌وت هه‌زار و 370 خوێندنگه‌ له‌شار و شارۆچكه‌كانی هه‌رێمی كوردستان هه‌ن؛ له‌و ژماره‌یه‌ شه‌ش هه‌زار و 863یان حكومیین.

PUKMEDIA