خاتوو شاناز: دواڕۆژێکی دادپەروەرانە بۆگەلەکەمان دابین بکەین

نوسینگەى شاناز ئیبراهیم ئەحمەد

کۆبونەوەى خاتوو شاناز و دکتۆرشێخ مورشید مەعشوق خەزنەوی

خانمی یەکەمی عیراق لە کۆبونەوەی لەگەڵ دکتۆر شێخ مورشید مەعشوق خەزنەوی رایگەیاند: "یەکڕیزی و کاری دەستەجەمعی گرنگە بۆ خزمەتی گەلەکەمان و زامنی دواڕۆژێکی دادپەروەرانە".

شاناز ئیبراهیم ئەحمەد خانمى یەکەمى عیراق لەگەڵ دکتۆر شێخ مورشید مەعشوق خەزنەوی، کەسایەتی دیاری ئاینی و نیشتمانی رۆژئاوا - سوریا کۆبوەوەو رایگەیاند: " خۆشحاڵ بووم بە دیداری دکتۆر شێخ مورشید و پێکەوە باسمان لە گرنگی یەکڕیزی و کاری دەستەجەمعی کرد بۆ خزمەتی گەلەکەمان و زامنی دوارۆژێکی دادپەروەرانە".

ئاماژەى بەئەوەشدا: "دوای گوێگرتن لە تێڕوانینەکانی شێخ مورشید دەربارەی دۆخی سوریا،  باسمان لە پێویستی پتەوکردنی پێکەوەژیانی ئاشتیانەی نێوان پێکهاتەکان کردەوەو هاوکات گرنگی یەکخستنی بزاوتە نیشتمانی و سیاسیەکانمان دووپات کردەوە و هاوڕابووین لەسەر پشتیوانی ڕۆڵی پێشەنگیی ژنان لە کۆمەڵگە و سیاسەتدا کە چەندین جار سەلماندوویانە بنەمای پێشکەوتن و ئاشتین ".

شاناز ئیبراهیم ئەحمەد ئەوەشى روونکردەوە: " پابەندبوونی خۆم بۆ شێخ مورشید دووپات کردەوە، کە دەنگی گەلەکەمان بە ئاستەکانی ناوخۆیی و هەرێمایەتی و نێودەوڵەتی بگەیەنین".

PUKMEDIA