جێگری سەرۆکی هەرێم لەگەڵ باڵیۆزی ئوسترالیا کۆبووەوە

نوسینگەی رۆژنامەوانی شێخ جەعفەر شێخ مستەفا

شێخ جەعفەر شێخ مستەفا و گلێن مایڵز

دوێنێ دووشەممە 5-5-2025 شێخ جەعفەر شێخ مستەفا جێگری سەرۆکی هەرێمی کوردستان پێشوازی لە  گلێن مایڵز باڵیۆزی ئوسترالیا لە عیراق کرد.

لە کۆبوونەوەکەدا، دوایین پێشهاتە سیاسیی و ئەمنییەکانی عیراق و ناوچەکە، پەیوەندییەکانی نێوان ئوسترالیا و هەرێمی کوردستان، پێکهێنانی کابینەی نوێی حکومەتی هەرێمی کوردستان، کێشەکانی نێوان هەولێر و بەغدا و چەند پرسێکی هاوبەش و جێی بایەخی نێوان هەردوولا، تاوتوێ کران.

لە کۆبوونەوەکەدا، هەردوولا بە گرنگییەوە لە پەیوەندییەکانی نێوان وڵاتی ئوسترالیا و هەرێمی کوردستانیان روانی و خواستیان بۆ بەهێزکردنی پەیوەندییەکان و کاری هاوبەشی نێوانیان دووپات کردەوە، هەروەها هاوڕابوون لەسەر ئەوەی کە دەبێت کێشەکانی نێوان هەولێر و بەغدا لەسەر بنەمای گفتووگۆ و لێکتێگەیشتن لە چوارچێوەی دەستوور چارەسەر بکرێت، لەپێناو بەرقەراربوونی ئاشتیی و ئارامی بۆ ناوچەکە و پاراستنی بەرژەوەندییە باڵاکانی نیشتمان و تێپەڕاندنی ئاڵنگارییەکانی بەردەم پرۆسەی سیاسیی عیراق.

PUKMEDIA