زانکۆی پۆلیتەکنیکی سلێمانی600 هەلی کار رادەگەیەنێت

زانکۆى پۆلیتەکنیکى سلێمانى

پێشانگای هه‌لی كارو تۆڕبه‌ندی سلێمانی

زانكۆی پۆلیته‌كنیكی سلێمانی بە هاوکاری رێکخراوی کاری نێودەوڵەتی و دامەزراوەکانی کەرتی تایبەت 600 هەلی کاری لە یەکەمین پێشانگای هه‌لی كار و تۆڕبه‌ندی سلێمانی راگەیاند.

رۆژی 4ی ئایاری 2025 یەکەمین پێشانگای هه‌لی كار و تۆڕبه‌ندی سلێمانی لەژێر دروشمی (داهاتووت مسۆگەر بکە) بە سەرپەرشتی  پ.د.هوشیار عەبدوڵڵا‌ سه‌رۆكی زانكۆی پۆلیته‌كنیكی سلێمانی و بە ئامادەبوونی وەزیری کاروکاروباری کۆمەڵایەتی و پارێزگاری سلێمانی و سەرۆکی ژووری بازرگانی و پیشەسازی و بە سپۆنسەری دەزگای میدیایی کوردسات لە شاری سلێمانی کرایەوە.

 ئەم پێشانگایە بە بەشێکی تری هەوڵەکانی زانکۆی پۆلیتەکنیکی سلێمانی کە لە لایەن سەنتەری پەرەپێدانی کار (CDC) بە هاوبەشی لەگەڵ رێکخراوی کاری نێودەوڵەتی (ILO) و وەزارەتی کار و کاروباری کۆمەڵایەتی و بە پاڵپشتی دارایی یەکێتی ئەوروپا ئەنجام دەدرێت، 37 كۆمپانیای جۆراو جۆر به‌شداریان كردووه‌ و تونراوه‌ 600 هه‌لی كار لە بوارە جیاوازەکاندا بۆ خوێندکاران و دەرچووانی زانکۆکان لە پێشەنگاکەدا بخرێتەڕوو.

لەمەراسیمی کردنەوەی پێشانگاکە ژماره‌یه‌كی به‌رچاو‌ لە لێپرسراو و نوێنەرانی كۆمپانیا جیاوازەکان و ژمارەیەکی بەرچاو لە دەرچووان و خوێندکاران سەردانیان کرد و تیایدا سیڤی خۆیان پێشکەشی کرد.

له‌ كردنه‌وه‌ی چالاكییه‌كه‌دا پانێلێک  بەناونیشانی دەرچوونەوە بەرەو بازاڕی کار، دەرفەتەکان و ئاڵەنگارییەکان سازکرا، بۆ هەریەک لە پ.ی.د. بەختیار عوبێد یاریدەدەری سەرۆکی زانکۆی پۆلیتەکنیکی سلێمانی بۆ کاروباری خوێندکاران، نەوزاد غەفور سەرۆکی ژووری بازرگانی و پیشەسازی سلێمانی، ئارام ئەنوەر بەڕێوەبەری ھەرێمی سندووقی پشتیوانی پڕۆژەکانی بچووک و مامناوەند لە وەزارەتی کار و کاروباری کۆمەڵایەتی.

PUKMEDIA