بەڕێوەبەری پەروەردە زانیاری لەبارەی وەرگەڕانی پاسەکەی خوێندکاران ئاشکرادەکات

بەڕێوەبەرایەتی هاتووچۆی سلێمانی

دیمەنی پاسە وەرگەڕاوەکە

ژمارەی برینداری  پاسەکەی خوێندکاران، کە ئەمڕۆ لەسەیران بوون و لە شارباژێڕ وەرگەڕان، گەیشتە 21 کەس، بەڕێوەبەری گشتی پەروەردەی سلێمانیش دەڵێت:" چوار مامۆستا بریندارن".

ئێوارەی ئەمڕۆ مامۆستا نەژاد عەبدوڵا بەڕێوەبەری گشتی پەروەردەی سلێمانی لە کۆنگرەیەکی رۆژنامەوانیدا دوا زانیاری لەسەر رووداوی وەرگەڕانی "پاسەکەی کونەماسی"  ئاشكراکرد و وتی:"14 خوێندکار و 4 مامۆستا و فەرمانبەر و 3 منداڵی مامۆستا کە وەک میوان بوون لەنێو پاسەکەدا برینداربوون و گەیەندراونەتە نەخۆشخانە و بەشێک لە بریندارەکانیش گەڕاونەتەوە ماڵەکانیان و نەخۆشخانەیان بەجێهێشتووە".

"دوو مامۆستا و دوو خوێندکار دۆخی تەندروستییان خراپە، هاوکات خوێندنگەکە رەزامەندی پەروەردەییان هەبووە و دایکان و باوکانیان ئاگاداری سەیرانەکەبوون" بەڕێوەبەری پەروەردە وایوت.

ئێوارەی رۆژی 30 نیسانی 2025 لەکاتی گەڕانەوەی خوێندکارانی خوێندنگەی برایەتی کە لە سەیران بوون پاسەکەیان وەرگەڕا، پۆلیسی هاتوچۆش هۆکارێکی  رووداوەکەی بۆ نەشارەزایی شۆفێرەکە گێرایەوە

PUKMEDIA