خانمی یەکەمی عیراق: پاپا فرانسس ژیانی تەرخانکردبوو بۆ ئاشتی

نوسینگەی رۆژنامەوانی خاتوو شاناز

شاناز ئیبراهیم ئەحمەد، دکتۆر لەتیف رەشید، پاپا فرانسس

شاناز ئیبراهیم خانمی یەکەمی عیراق پەیامێکی هاوخەمی بۆکۆچی دوایی پاپا فرانسس بڵاوکردەوە و رایگەیاند:"دڵسۆزانەترین پرسە و سەرەخۆشی لەمەسیحییەکانی جیهان، بەتایبەت کاسۆلیکیەکان دەکەم بۆ لە دەستدانی ئەو رابەرە رۆحییەی ژیانی خۆی تەرخان کرد لەپێناوی ئاشتی و لێبوردەیی ئاینیدا".


دەقی پەیامەکە:

بە خەمێکی زۆرەوە هەواڵی کۆچی دوایی پاپا فرەنسیسم پێگەیشت، دڵسۆزانەترین پرسە و سەرەخۆشی لەمەسیحییەکانی جیهان، بەتایبەت کاسۆلیکیەکان دەکەم بۆ لە دەستدانی ئەو رابەرە رۆحییەی ژیانی خۆی تەرخان کرد لەپێناوی ئاشتی و لێبوردەیی ئاینیدا.

سەردانە مێژووییەکەی بۆ عێراق لە ساڵی 2021 دا دەستپێشخەرییەکی بەهێزبوو بۆ پشتیوانی و هیوا، گەواهیدەری پابەندبونی بوو بە گفتوگۆی نێوان ئاینەکان.

تێکۆشانی لەپێناوی ئەم بنەمایانەدا رێزێکی زۆری ئاینزا جیاوازەکانی پێبەخشی.

PUKMEDIA