هاتنی گەشتیاران بۆ سلێمانی بەردەوامە

ئەرشیف

سەیرانگای دووکان

هاتنی گەشتیاران بۆ شاری سلێمانی بەلێشاو بەردەوامە و بۆ ئەو مەبەستەش سەرجەم هۆتێل‌ و ناوچە گەشتیارییەکان ئامادەكاریی تەواویان کردووە،  وتەبێژی گەشتوگوزاری سلێمانی-یش دەڵێت:"لە سێیەم رۆژی جەژنی رەمەزانەوە، هاتنی گەشتیاران بەلێشاو بۆ ‏شاری سلێمانی دەستیپێكردووە".

گۆران قادر وتەبێژی گەشتوگوزاری سلێمانی رایگەیاند:"لە سێیەم رۆژی جەژنی رەمەزانەوە، هاتنی گەشتیاران بەلێشاو بۆ ‏شاری سلێمانی دەستیپێكردووە و سەرجەم هۆتێل‌ و ناوچە گەشتیارییەکان ئامادەكارییان بۆ هاتنی گەشتیار كردووە".

باسی لەوەشکرد: "ئەوەی تائێستا بە ئێمە گەیشتووە، 70%ـی هۆتێل‌ و ناوچە گەشتیارییەکان پڕبوون لە گەشتیار و شوێنیان نەماوە، هاوکات زیاد لە 100 گروپی گەشتیاری، لەم چەند رۆژەدا سەردانی شاری ‏سلێمانییان كردووە".

ئاماژەی بەوەشکرد:"لە شاری سلێمانی شوێنی ‏مانەوەی یەك كەس لە پێنج هەزار دینارەوە دەستپێدەکات تا نزیكەی ‌‏100 دۆلار".

PUKMEDIA