کەشناسی: باران دەبارێت

PUKMEDIA

کەش و هەوا

به‌ڕێوه‌به‌رایه‌تی كه‌شناسی و بومه‌له‌رزه‌زانی هه‌رێمی كوردستان رایدەگه‌ێنێت:" ئه‌مڕۆ ئاسمان هەوری تەواو دەبێت و   تاوە باران و بروسکە لەناوچە جیاجیاکانی هەرێم بەردەوام دەبێت و زیاتر لەناوچە شاخاوییەکان کاریگەری دابارین زیاتر دەبێت، سبه‌ینێش ئەگەری نمەباران هەیە لەناوچە شاخاوییە سنورییەکاندا".  

به‌ڕێوه‌به‌رایه‌تی كه‌شناسی و بومه‌له‌رزه‌زانی هه‌رێمی كوردستان بڵاویكرده‌وه‌:" ئه‌مڕۆ چوارشه‌ممه‌ ئاسمان به‌گشتی هەوری تەواو دەبێت لەگەڵ بەردەوامی دابارینی تاوە باران و بروسکە لەناوچە جیاجیاکانی هەرێم و زیاتر لەناوچە شاخاوییەکان کاریگەری دابارین زیاتر دەبێت، پاشان بۆ کاتەکانی ئێوارە کەش سەقامگیر دەبێتەوە ئاسمان بۆ نیمچە هەور دەگۆڕێت تەنها لەبەشی باکورو باکوری رۆژئاوای هەرێم و پارێزگای دهۆک کاریگەری شەپۆلەکە تا درەنگانی شەو دەمێنێت".   


ئاماژه‌ی به‌وه‌شكردوه‌:" خێرایى با لەسەرخۆ- مام ناوەند ده‌بێت و له‌ نێوان 15 بۆ 25 كیلۆمه‌تر ده‌بێت، هه‌ندێك کات چالاک دەبێت بۆ سەروی 35 كیلۆمه‌تر له‌ كاتژمێرێكدا، ئاڕاستەی با باکوری خۆرئاوا بۆ باشوری خۆرهەڵات دەگۆڕێت، پلەکانی گەرما نزم دەبێتەوە ( 2- 3 ) پلەی سیلیزی بەراورد بە تۆمارەکانی دوێنێ".

كه‌شناسی ده‌شڵێت:" سبەی پێنجشەممە ئاسمان لەنێوان نیمچە هەورو هەوری تەواو دەبێت ئەگەری نمەباران هەیە لەناوچە شاخاوییە سنوریەکاندا، خێراىی با لەسەرخۆ-ی مام ناوەند  (10 – 20 ) كیلۆمه‌تر دەبێت". 

بەرزترین پلەکانی گەرمای پێشبینیکراو بە پلەی سیلیزی:

هەولێر: 25  پلەی سیلیزی
سلێمانی: 23پلەی سیلیزی
دهۆک: 21  پلەی سیلیزی 
کەرکوک: 27 پلەی سیلیزی  
زاخۆ: 20 پلەی سیلیزی
هەڵەبجە: 20 پلەی سیلیزی
سۆران: 21 پلەی سیلیزی
حاجی ئۆمەران: 11 پلەی سیلیزی
گەرمیان: 30 پلەی سیلیزی

PUKMEDIA