گەورەترین کونسوڵخانەی ئەمریکا لە هەرێم دەکرێتەوە

ميدياكان

گەورەترین کونسوڵخانەی ئەمریکا لە هەرێم دەکرێتەوە

بەمنزیکانە  گەورەترین کونسوڵخانەی ویلایەتەیەکگرتوەکانی ئەمریکا لە هەرێمی کوردستان دەکرێتەوە  و وەزارەتی دەرەوەی ئەو وڵاتەش رایدەگەیەنێت: " لە مانگی داهاتوو یان ڕادەیەکی نزیکی دیکە کونسوڵخانەی بینای کونسوڵخانەی ئەمریکا لە هەولێر دەکرێتەوە". 

 تامی بروس وتەبێژی وەزارەتی دەرەوەی ئەمریکا لە کۆنفرانسێکی رۆژنامەوانیدا رایگەیاند:" مانگی داهاتوو یاخود لە کاتێکی دیکەی ئەمساڵدا کونسوڵخانەی نوێی ئەمریکا لە هەولێر دەکرێتەوە کە گەورەترین کونسوڵخانەی ویلایەتە یەکگرتووەکانە".

"کردنەوەی کونسوڵخانەکە رەنگدانەوەی پابەندبوونی ئەمریکایە بۆ هەرێمی کوردستانی عيراق و هاوبەشییەکەمان و هاوئاهەنگییە دیپلۆماسییەکەمان لەگەڵ هەرێمی کوردستان و حکومەتی عيراق پتەوتر دەکات، لەنێویشیاندا ئامانج و ئاڵنگارییە هاوبەشەکان و رووبەڕووبوونەوەی تیرۆریزم و گەشەپێدانی ئاشتییەکی درێژخایەن." وتەبێژی وەزارەتی دەرەوەی ئەمریکا وایوت.

وتەبێژی وەزارەتی دەرەوەی ئەمریکا  لەو کۆنفرانس رۆژنامەنوسيیەدا  رایگەیاند: "پێکهێنانی حکومەت لەو دوو زۆنەو بوونی هێزێکی یەکگرتوو باشترە؛ هانی هەموو لایەکمان داوە بەخێرایی حکومەت پێکبهێنن و دیموکراسییەکی خۆڕاگر و بە‌هێز وەکو هەمیشە باسی لێوە دەکەین لە هەرێمی کوردستانی عێراق پێویستە". هەروەک رونیکردەوە کە واشنتۆن هاندەرە  بەپەلە حکومەت پێکبهێنن و بەخێراییش ئەو کارە بکەن".

بەگوێرەی زانیارییەكان، كونسوڵخانەكە لەسەر روبەری 50 دۆنم زەوی دروستدەكرێت و وەك ناوەندێك بۆ بەشداریكردنی دیپلۆماسی و ئابووری و كولتووری لە ناوچەكەدا كاردەكات دامەزراندنیشی رەنگدانەوەی پابەندبوونی درێژخایەنی واشنتۆنە بە سەقامگیری و خۆشگوزەرانی هەرێم و لەئێستاشدا  بە ڕێژەی 85% ی كارەكانی تەواو بووە.

PUKMEDIA