میدیاکان: بوومەلەرزەکەی میانمار و تایلاند وێرانکەر بووە

ميدياكان

بوومەلەرزەكەی میانمار و تایلاند

بەرەبه‌یانی ئه‌مڕۆ هه‌ینی دوو بومه‌له‌رزه‌ی به‌هێز  لە دووکاتی جیادا  میانمار و تایلاندی هەژاند و چەندین تەلار و باڵەخانەی روخاند، هێشتا ژیانە مرۆیی و مادییەکان رانەگەندراون.

 بومه‌له‌رزه‌یه‌ك به‌ گوڕی 7.7 پله‌ به‌پێوه‌ری رێخته‌ر له‌ ناوه‌ڕاستی بۆرما له‌ میانمار رویدا، هه‌روه‌ها بومه‌له‌رزه‌یه‌كی به‌هێزی دیکە به‌ گوڕی 7.3 پله‌ به‌پێوه‌ری رێخته‌ر له‌ بانكۆكی پایته‌ختی تایلاند و له‌نزیك پارێزگای یونان  باشوری رۆژئاوای چینی هەژاند.

 دامه‌زراوه‌ی جیۆلۆجی ئه‌مریكی ئاشکرایکرد، زەمينلەرزەکەی میانمار گوڕه‌كه‌ی 7.7 پله‌ به‌پێوه‌ری رێخته‌ر و له‌ قوڵایی 10 كیلۆمه‌تر له‌سه‌ر ئاستی روی ده‌ریا بووه‌.

ناوه‌ندی بومه‌له‌رزه‌كه‌ نزیكه‌ی 17.2 كیلۆمه‌تر له‌ شاری مه‌ندالای دوره‌، كه‌ نزیكه‌ی یه‌ك ملیۆن و 200 هه‌زار كه‌سی تێدا نیشته‌جێن.

بەپێی ئەو  گرته‌ ڤیدیۆیانەی کە لە میدیا ناوخۆییەکانی ئەو دوو وڵاتە و میدیا جیھانیيەکانەوە بڵاوکراونەتەوە،  نیشانی دەدەن کە چه‌ندین باڵه‌خانه‌ و بینا لە میانمار و تایلاند دادەڕمێن و تائێستاش زیانەکان ئاشکرا نەکراون.

تیمەکانی فریاکەوتن و فریاگوزاری خێرا لەشوێنی رووداوەکان و زانیارییە سەرەتاییە میدیاییەکان ئاماژە بەوە دەکەن کە چەندین کەرتی خزمەتگوزارییە سەرەکییەکان پەکیان کەوتووە لەوانە ئاو و کارەباو هاتوچۆ و رێگەوبان.

PUKMEDIA