بەدوو رۆژ 36 وەزارەت و دەستە و دامەزراوەی هەرێم مووچە وەردەگرن

PUKMEDIA

دیناری عیراقی

سەرباری ئەوەی كەپشووە و هەینییە، بەڵام دابەشكردنی مووچەی مانگی ئازار بەردەوامەو ئەمڕۆ و سبەی 36 وەزارەت و دەستە و دامەزراوە مووچەی مانگی ئازاری ئەمساڵ وەردەگرن و زۆرترین وەزارەت و دامەزراوەش ئەمڕۆ 28/3 مووچە وەردەگرن كە ژمارەیان 23 وەزارەتە.

دوێنێ 27-3-2025 دابەشكردنی مووچەی مانگی ئازار دەستیپێكردو مووچەی خانەنشینی شارستانی و خاوەن پێداویستی تایبەت و زیندانییە سیاسییەكان و بەركەوتووانی كیمیاباران و كەسوكاری شەهیدان و ئەنفالكراوان دابەشكرا.

بەگوێرەی خشتەی دابەشكردنی مووچەی مانگی ئازار كە وەزارەتی دارایی و ئابووری حكومەتی هەرێم بڵاویكردەوە، لە رۆژی پێنجشەمە 27-3ەوە دەستی بەدابەشكردنی مووچەی مانگی ئازار كردووە و  ئەمڕۆ هەینی 23 وەزارەت و دەستە مووچە وەردەگرن و سبەی كۆتایی بە پڕۆسەی دابەشكردنی مووچە دێت و 13 وەزارەت و دەستە و سەرۆكایەتی دیكە مووچە وەردەگرن، بەمەش لەماوەی سێ رۆژداو پێش دەستپێكردنی جەژنی رەمەزانی پیرۆز سەرجەم مووچەخۆرانی هەرێم مووچەی مانگی 3 وەردەگرن.

هەر بەپێی خشتەكەی وەزارەتی دارایی هەرێم ئەمڕۆ ئەم وەزارەت و دەستانە مووچەی مانگی شوبات وەردەگرن:

1-  خانەنشینی پێشمەرگە
2-  وەزارەتی پەروەردە
3-  وەزارەتی دارایی و ئابووری
4-  وەزارەتی ئاوەدانكردنەوە و نیشتەجێكردن
5-  وەزارەتی تەندروستی
6-  وەزارەتی داد
7-  وەزارەتی سامانە سروشتییەكان
8-  وەزارەتی پیشەسازی و بازرگانی
9-  وەزارەتی ناوخۆ
10-  وەزارەتی پلاندانان
11-  وەزارەتی گواستنەوە و گەیاندن
12-  وەزارەتی كشتوكاڵ و سەرچاوەكانی ئاو
13-  وەزارەتی شارەوانی و گەشت و گوزار
14-  دەستەی دەستپاكی
15-  دەستەی وەبەرهێنان
16-  دەستەی ژینگە
17-  دەزگای مین
18-  ناوچەكانی دەرەوەی هەرێم
19-  كۆمسیۆنی هەڵبژاردنەكان
20-  دیوانی چاودێری دارایی
21-  دەستەی مافی مرۆڤ
22-  ئەنجومەنی دادوەری.
23-كاروباری شەهیدان و ئەنفالكراوان

هەروەك سبەینێ شەممە 29-3 ، ئەم 13 شوێنە مووچەی مانگی ئازار وەردەگرن كە بریتین لە :

1-  وەزارەتی كارەبا
2-  وەزارەتی ئەوقاف و كاروباری ئاینی
3-  وەزارەتی خوێندنی باڵاو توێژینەوەی زانستی
4-  سەرۆكایەتی پەرلەمان
5-  سەرۆكایەتی ئەنجومەنی وەزیران
6-  سەرۆكایەتی هەرێم
7-  وەزارەتی پێشمەرگە (دیومان و لیواكان)
8-  یەكەكانی 70 و 80
9-  بەڕێوەبەرایەتی پۆلیسی دامودەزگا نەوتییەكان
10-  ئەنجومەنی ئاسایش و دەزگای ئاسایش
11-  هێزی زێرەڤانی و فەرماندەی بەرگری و فریاكەوتن.
12-كاروكاروباری كۆمەڵایەتی
13-وەزارەتی رۆشنبیری و لاوان

PUKMEDIA