ستران عەبدوڵڵا: کەرکوک بڕبڕەی پشتی یەکێتی و دۆزی سیاسی کوردستانە

PUKMEDIA

ستران عەبدوڵڵا

هەشتەمین کۆنفرانسی دووەمین دیداری یەکێتی لە کەرکوک بەڕێوەدەچێت و ئەندامێکی سەرکردایەتی یەکێتی رایدەگەیەنێت:" کەرکوک بۆ سیاسەتی یەکێتیی نیشتمانیی کوردستان بڕبڕە پشتی دۆزی سیاسی کوردستانە لە عیراق"

ستران عەبدوڵڵا ئەندامی سەرکردایەتی و ئەندامی لیژنەی باڵای دووەمین دیداری یەکێتی لە چاوپێکەوتنێکی رۆژنامەوانیدا لەگەڵ PUKMEDIA رایگەیاند:" دیداری یەکێتی لە هەموو ناوچەکانی کوردستان گرنگە بەتایبەت لە کەرکوک، چونکە کەرکوک بۆ سیاسەتی یەکێتیی نیشتمانیی کوردستان بڕبڕە پشتی دۆزی سیاسی کوردستانە لە عیراق".

 "دیداری یەکێتی ئەزمونێکی نایابی حزبیە لە کوردستان و بگرە لە عیراقیش، چونکە دیداری یەکێتی باس لە چارەنوسی حزب دەکات و لایەنی گەشەپێدان و پێشخستنی تاوتوێدەکات، پاشان راسپاردەکانی لە کۆبوونەوەی سەرکردایەتی و مەکتەبی سیاسی بڕیاری لەسەر دەدرێت"، ستران عەبدوڵڵا وایوت.

ئاماژەی بەوەشکرد:" دیداری یەکێتی لە هەموو ناوچەکانی کوردستان گرنگە بە تایبەت لە کەرکوک، چونکە کەرکوک بۆ سیاسەتی یەکێتیی نیشتمانیی کوردستان بڕبڕە پشتی دۆزی سیاسی کوردستانە لە عیراق، هەروەها کەرکوک لەسەر راسپاردەی سەرۆک مام جەلال قودسی کوردستانە، بۆیە کەرکوک بۆ یەکێتی گرنگییەکی زۆری هەیە و رۆژی 27ی3ی2025 دیداری یەکێتی لە کەرکوک بەرێوەدەچێت ، هیوادارین هەڤاڵانی یەکێتی بۆ کەرکوک و هەم بۆ یەکێتی پێشنیاری جوان بکەن".


 لە کۆتایشدا ستران عەبدوڵڵا رایگەیاند:"  پرسی کورد لە رۆژئاوا و باکور بەرەو چارەسەری ئاشتی دەڕوات و یەکێتیی نیشتمانیی کوردستان بۆچوونی خۆی هەیە و بەتایبەت سەرۆک بافڵ لەو پرسانەدا رۆڵێکی گرنگ دەگێرێت، لە رۆژئاوا و باکوری کوردستان لەسەر رێبازی سەرۆک مام جەلال هەوڵێکی زۆر هەیە بۆ نێوەندگیری و دانوستان، بۆ ئەوەی پرسی کورد لەو باشەی کوردستان چارەسەر بکرێت".

PUKMEDIA