سەعدی ئەحمەد پیرە: بەلێكتێگەیشتن رێڕەوی حوكمڕانی راستدەكرێتەوە

PUKMEDIA

سەعدی ئەحمەد پیرە وتەبێژی یەكێتیی نیشتمانیی كوردستان

سەعدی ئەحمەد پیرە وتەبێژی یەكێتی رایدەگەیەنێت: "لەكۆبوونەوەكەی سەرۆكی یەكێتی و سەرۆكی حكومەتدا چەندین پرسی گرنگی ستراتیجی و چۆنێتی بەڕێوەبەردنی حوكمڕانی داهاتووی هەرێم تاوتوێ كراون كەبێگومان ئەو لێكتێگەیشتن و گفتوگۆیانەش دەبنەهۆی راستكردنەوەی رێڕەوی حوكمڕانی".

سەعدی ئەحمەد پیرە وتەبێژی یەكێتیی نیشتمانیی كوردستان بۆ كەناڵەكانی راگەیاندن ئاماژەی بەوەدا، كۆبوونەوەكەی سەرۆكی یەكێتی و سەرۆكی حكومەت گرنگی زۆری بۆ ئەو پرسانە هەیە كەتا ئێستا چارەسەر نەكراون".

راشیگەیاند: "لەكۆبوونەوەكەی بافڵ جەلال تاڵەبانی سەرۆكی یەكێتیی نیشتمانیی كوردستان و مەسرور بارزانی سەرۆكی حكومەتی هەرێم، زۆر پرسی گرنگی ستراتیجی و چۆنێتی بەڕێوەبەردنی حوكمڕانی داهاتووی هەرێمی كوردستان تاوتوێ كران، كەبێگومان ئەو لێكتێگەیشتنە دەبێتەهۆی راستكردنەوەی رێڕەوی حوكمڕانی".

وتیشی: "ئەو پرسانەی لەكۆبوونەوەكەدا هەردوولا لەسەری رێككەوتوون لەداهاتوودا ئاڕاستەی وەفدی هەردوولا دەكرێن وە بڕیاری كۆتاییان لەبارەوە دەدرێت".


ئەمەش لەكاتێكدایە رۆژی یەكشەممە 16 ی 3 ی 2025 بافڵ جەلال تاڵەبانی، سەرۆكی یەكێتیی نیشتمانیی كوردستان و مەسرور بارزانی، سەرۆكی حكومەتی هەرێمی كوردستان كۆبوونەوەو دۆخی سیاسی هەرێمی كوردستان، عیراق و ناوچەكە و لێكەوتە سیاسییەكان، خۆئامادەكردن بۆ پێشهاتەكان، پێگەی هەرێمی كوردستان و پێكهێنانی كابینەی نوێی حكومەتی هەرێمی كوردستانیان تاوتوێ كرد، دوای كۆبوونەوەكەش سەرۆكی یەكێتی و سەرۆكی حكومەتی هەرێمی كوردستان رایانگەیاند: "ئامانجی هەردووكیان پێكهێنانی حكومەتە بۆ خزمەتی خەڵك".

PUKMEDIA