سەرچاوە ئاوییەكانی عیراق رەزامەندی لەسەر دروستكردنی چەند بەنداوێك لەهەرێم دەردەبڕێت

PUKMEDIA

غەریب ئەحمەد ئەندامی ئەنجومەنی نوێنەرانی عیراق و عەون زیاب وەزیری سەرچاوە ئاوییەكانی عیراق

لەسەر داوای ئەندامێكی فراكسیۆنی یەكێتی، وەزیری سەرچاوە ئاوییەكانی عیراق لیژنەی تەكنیكی بۆ دەڤەری راپەڕین و قەزای دوكان دەنێرێت، بۆ ئەوەی بڕیاری پێویست لەسەر دروستكردنی چەند بەنداوێكی بچوك لەو دەڤەرە بدرێت.

غەریب ئەحمەد ئەندامی ئەنجومەنی نوێنەرانی عیراق لەفراكسیۆنی یەكێتی، لەلێدوانێكیدا بەوێبسایتی رەسمی یەكێتیی نیشتمانیی كوردستان PUKMEDIA ی راگەیاند: "سەردانی عەون زیاب وەزیری سەرچاوە ئاوییەكانی عیراقم كردو تەئكیدم لەبەدەنگەوە هاتنی وەزارەت بۆ دروستكردنی چەند بەنداوێك لەهەرێمی كوردستان بەتایبەت دەڤەری راپەڕین و قەزای دوكان كردەوە".

"عەون زیاب وەزیری سەرچاوە ئاوییەكانی عیراق بەڵێنی رەزامەندبوونی بۆ چەند بەنداوێكی بچوك پێدام كەبڕیارە دووبارە لیژنەی تەكنیكی وەزارەت بچێتەوە دەڤەرەكەو بەڕاوێژ لەگەڵ بەندەو وەزارەتی كشتوكاڵی هەرێم بڕیاری پێویست لەسەر چەند شوێنێك بدرێت" غەریب ئەحمەد وادەڵێت.

PUKMEDIA