كۆنفرانسی دووهەمین دیداری یەكێتی لە گەرمیان بەڕێوەدەچێت

PUKMEDIA

دووەمین دیداری یەكێتی

ئەمڕۆ پێنجشەممە 6-3-2025 پێنجەمین كۆنفرانسی ئامادەكاری بۆ دووهەمین دیداری یەكێتی دەگاتە گەرمیان و خانەقین و لەشاری كەلار بەڕێوەدەچێت.

بەپێی زانیارییەكانی PUKMEDIA، بەرنامەی كۆنفرانسی دووهەمین دیداری یەكێتیی نیشتمانیی كوردستان لە گەرمیان-خانەقین،  بەوەستان بۆ گیانی پاكی شەهیدان دەستپێدەكات و دواتر وتاری بەخێرهاتنی ئامادەبووان، لەلایەن شێركۆ میروەیس ئەندامی سەركردایەتی و لێپرسراوی مەڵبەندی خانەقینەوە پێشكەش دەكرێت و وتەی لێپرسراوی بازنەی هەڵبژاردنەكانی گەرمیان-یش لەلایەن شێخ ئەحمەد حەمەكەریم ئەندامی مەكتەبی سیاسییەوە پێشكەش دەكرێت.

هەر بەپێی زانیارییەكانی PUKMEDIA، لەكۆنفرانسەكەدا، كورتە ڤیدیۆیەك سەبارەت بەیەكەمین دیداری یەكێتی نمایشدەكرێت و وتاری لیژنەی باڵای دووهەمین دیداری یەكێتیش لەلایەن سالار مەحمود ئەندامی سەركردایەتی و ئەندامی لیژنەی باڵای دووهەمین دیداری یەكێتییەوە پێشكەش دەكرێت.


كۆنفرانسی دیداری ئەمجارە ئاوێتەی یادی راپەرینی گەلەكەمان و مانگی رەمەزانی پیرۆز دەبێت و هەڤاڵانی یەكێتیی بە جۆش و خرۆشی یەكێتیانەوە بەشداری تێدا دەكەن.

بە گوێرەی پەیڕەوی ناوخۆی پەسندكراوی كۆنگرەی پێنجەم، دیداری یەكێتی چالاكییەكی رەسمیی دەورییە و بەشێكە لە وێستگەكانی خەباتی فراوانی هەڤاڵانە، یەكەم دیداری یەكێتی بەسەرپەرشتی قوباد تاڵەبانی لە بەرواری 12-3-2022 دەستپێكرد و لە 31-5-2022 كۆتایی بەكارەكانی هێنا و سیاسەتەكانی یەكێتی لە بوارە جیاجیاكاندا داڕشت و بووە بنەمایەك بۆ سیاسەتی گشتی یەكێتی.

PUKMEDIA