سەرۆك بافڵ بۆ باڵیۆزی بەریتانیا: هەمیشە پشتگیری لەمافەكانی كورد بكەن

نووسینگەی راگەیاندنی سەرۆكی یەكێتیی نیشتمانیی كوردستان

بافڵ جەلال تاڵەبانی، سەرۆكی یەكێتی، ستیڤن هیچن، باڵیۆزی بەریتانیا لە عیراق

بافڵ جەلال تاڵەبانی، سەرۆكی یەكێتیی نیشتمانیی كوردستان لە دامەزراوەی ڤیم بەشداریكرد لە رێورەسمی ماڵئاوایی لە ستیڤن هیچن، باڵیۆزی بەریتانیا لە عیراق كەبەهۆی كۆتاییهاتن بە ئەركەكەی لە عیراق رێكخرابوو.

لە رێورەسمەكەدا كە قوباد تاڵەبانی، جێگری سەرۆكوەزیران و د.هەڤاڵ ئەبوبەكر، پارێزگاری سلێمانی ئامادەبوو، سەرۆك بافڵ جەلال تاڵەبانی سوپاس و پێزانینی دەربڕی بۆ رۆڵی گرنگی باڵیۆزی بەریتانیا كە لە ماوەی كاركردنی لە عیراق و هەرێمی كوردستان، هاریكار و پشتیوان بوو لە سەرخستنی پڕۆسەی سیاسی و لێكنزیككردنەوەی لایەنەكان و پاراستنی سەقامگیری سیاسی و ئاسایش لە وڵاتدا.

سەرۆك بافڵ هیوای سەركەوتنی بۆ ستیڤن هیچن لە ئەركی داهاتوویدا خواست و داوایكرد وەك هەمیشە پشتگیری لە مافەكانی گەلی كورد و بەهێزتكردنی پەیوەندییەكانی نێوان گەلی كورد و بەریتانیا بكات لەچوارچێوەی پاراستنی بەرژەوەندییە باڵاكان.

PUKMEDIA