لەتیف نێروەیی: دیدار دەبێتە کارنامەی داهاتووی یەکێتی

PUKMEDIA

لەتیف نێروەیی ئەندامی لیژنەی ئامادەکاری کۆنفرانسی دووەم دیداری یەکێتی لە دهۆک

کۆنفرانسی دووەم دیداری یەکێتیی نیشتمانیی کوردستان  لە دهۆک بەردەوامی هەیە و ئەندامێکی  لیژنەی ئامادەکاری کۆنفرانسیش دەڵێت:" دیدارەکە دەبێتە بەشێک لە کارنامەی داهاتووی یەکێتی".


لەتیف نێروەیی ئەندامی لیژنەی ئامادەکاری کۆنفرانسی دووەم دیداری یەکێتی لە دهۆک لە لێدوانێکیدا بە وێبساتی رەسمی یەکێتیی نیشتمانی کوردستان PUKMEDIA ی راگەیاند:" دیداری دووەمی یەکێتی لە دهۆک، درێژەپێدەری مێژووی یەکێتیی نیشتمانیی کوردستانە کە مەشخەڵی شۆڕشی نوێی گەلەکەمان بە خوێنی دەیان شەهیدی تێکۆشەری دەڤەری بادینان داگیرسابوو، ئەمە نیشانەی ئەوەیە کە یەکێتی چ وەک سەرەتاو دەستپێکردنی شۆڕشی نوێ تاوەکو ئێستا بە دیدگایەکی تایبەتەوە مامەڵە لەگەڵ دەڤەری بادینان دەکات ".

ئاماژەی بەوەشکرد: " لە دیدارەکەدا زیاتر لە هەزار کەس بەشدارن، ئەمەش واتای هەزار بۆچوون و رەخنە و پێشنیار و هەڵسەنگاندنە، کە بێگومان دەبێتە بناغەیەکی پتەو بۆ پێشخستنی یەکێتیی نیشتمانیی کوردستان لە دەڤەری بادینان".

لە کۆتایشدا لەتیف نێروەیی رایگەیاند" دیدارەکە لەلایەن سکرتارییەتی سەرۆک مام جەلال و بە سەرپەرشتی قوباد تاڵەبانی بەڕێوەدەچێت، هەروەها دەستەبژێرێکی کادیری پێشکەوتوی یەکێتی وەک لیژنەی باڵا بەشدارن، بێگومان ئەمەش دەبێتە بەشێک لە کارنامەی سەرەکی یەکێتیی نیشتمانیی کوردستان بۆ ئایندە".

تەواوی وتەکانی لەتیف نێروەیی  ئەندامی لیژنەی ئامادەکاری کۆنفرانسی دووەم دیداری یەکێتی لە دهۆک:

PUKMEDIA